അസ്ക്കർ കൊളമ്പോ ജില്ലാ കൺവീനർ; അജിത് കുമാർ പ്രസിഡന്റ്, രഞ്ജിത്ത് കുമാർ സെക്രട്ടറി, ബിജി ബാലൻ ട്രഷറർ
തൃശ്ശൂർ: കേരള പ്രവാസി അസോസിയേഷൻ പാർട്ടി തൃശ്ശൂർ ജില്ലാ കമ്മിറ്റിയുടെ പുനഃസംഘടന യോഗം തൃശ്ശൂർ പേൾ റീജൻസിയിൽ നടന്നു. സംഘടനയുടെ പ്രവർത്തനങ്ങൾ കൂടുതൽ ശക്തിപ്പെടുത്തുന്നതിനും ജില്ലാതലത്തിൽ പ്രവാസി സമൂഹവുമായി ബന്ധപ്പെട്ട പ്രവർത്തനങ്ങൾ ഏകോപിപ്പിക്കുന്നതിനുമായി പുതിയ ജില്ലാ നേതൃത്വത്തിന് രൂപം നൽകി. യോഗത്തിൽ 17 അംഗ എക്സിക്യൂട്ടീവ് സമിതിയെ തെരഞ്ഞെടുത്തു. പുതിയ ജില്ലാ കമ്മിറ്റിയുടെ കൺവീനറായി ഗുരുവായൂർ സ്വദേശിയായ ശ്രീ അസ്ക്കർ കൊളമ്പോ ചുമതലയേറ്റു.ശ്രീ അജിത് കുമാർ ജില്ലാ പ്രസിഡന്റായും ശ്രീ രഞ്ജിത്ത് കുമാർ സെക്രട്ടറിയായും ശ്രീ ബിജി ബാലൻ ട്രഷററായും ശ്രീ വിൽസൺ മീഡിയ കൺവീനറായും തെരഞ്ഞെടുക്കപ്പെട്ടു. തുടർന്ന് ഭാരവാഹികൾ സത്യപ്രതിജ്ഞ ചെയ്ത് ഔദ്യോഗികമായി അധികാരമേറ്റു.
പുതിയ ജില്ലാ കമ്മിറ്റിയുടെ നേതൃത്വത്തിൽ സംഘടനയുടെ പ്രവർത്തനങ്ങൾ കൂടുതൽ സജീവമാക്കുന്നതിനും പ്രവാസി സമൂഹത്തിന്റെ വിവിധ വിഷയങ്ങൾ ബന്ധപ്പെട്ട വേദികളിൽ ഉന്നയിക്കുന്നതിനും ആവശ്യമായ പ്രവർത്തനങ്ങൾ ഏകോപിപ്പിക്കുമെന്ന് ഭാരവാഹികൾ അറിയിച്ചു.ജില്ലയിലെ വിവിധ മേഖലകളിൽ പ്രവർത്തിക്കുന്ന അംഗങ്ങളെ കൂടുതൽ ഏകോപിപ്പിച്ച് സംഘടനയുടെ പ്രവർത്തനങ്ങൾ താഴെത്തട്ടിലേക്ക് വ്യാപിപ്പിക്കുന്നതിനും പ്രവാസികളുടെ ക്ഷേമവും അവകാശങ്ങളും സംബന്ധിച്ച വിഷയങ്ങളിൽ ഇടപെടുന്നതിനും പുതിയ നേതൃത്വത്തിന് വലിയ ഉത്തരവാദിത്തമാണ് മുന്നിലുള്ളത്.
പുനഃസംഘടന യോഗത്തിൽ സംഘടനയുടെ ജില്ലാ, മണ്ഡലം തലങ്ങളിലെ പ്രവർത്തകരും അംഗങ്ങളും പങ്കെടുത്തു. പുതിയ ഭാരവാഹികൾക്ക് യോഗത്തിൽ ആശംസകളും അഭിനന്ദനങ്ങളും നേർന്നു.