ഗുരുവായൂർ: വൈ എം സി എ യുടെ ജനറൽ ബോഡി യോഗം ഗുരുവായൂർ നഗരസഭ ലൈബ്രറി ഹാളിൽ നടന്നു. സഞ്ചാരയോഗ്യമല്ലാതായി തീർന്ന റെയിൽവേ സ്റ്റേഷൻ റോഡ് ഉടനെ ടാർ ചെയ്യണമെന്ന് യോഗം അധികാരികളോട് ആവശ്യപ്പെട്ടു. സംഘടനയുടെ രജത ജൂബിലി ആഘോഷങ്ങൾക്ക് ഓഗസ്റ്റ് 27 ന് തുടക്കം കുറിക്കുവാൻ നിശ്ചയിച്ചു.
പ്രസിഡന്റ് ബാബു വർഗീസിന്റെ അദ്ധ്യകതയിൽ ചേർന്ന യോഗത്തിൽ വൈസ്‌ പ്രസിഡന്റ് സി ഡി ജോൺസൺ സ്വാഗതമാശംസിച്ചു. സെക്രട്ടറി ജിഷോ എസ്. പുത്തൂർ റിപോർട്ട് അവതരിപ്പിച്ചു. സബ് റീജിയൺ ചെയർമാൻ ജോൺസൺ മാറോക്കി, സ്ഥാപക കോർഡിനേറ്റർ ഒ എം മാത്യൂസ്, ജോ.സെക്രട്ടറി ജോസ് ലൂയീസ്, വനിതാ ഫോറം സെക്രട്ടറി ടെസ് ജെയ്സൺ എന്നിവർ ആശംസകൾ നേർന്നു. ട്രഷറർ തോമസ് വി സി നന്ദി പറഞ്ഞു.
