മുംബൈ: ബോളിവുഡ് താരം അമിതാഭ് ബച്ചൻ ആശുപത്രിയിലെന്ന് റിപ്പോർട്ട്. മുംബൈയിലെ കോകിലാബെൻ ആശുപത്രിയിലാണ് അദ്ദേഹത്തെ പ്രവേശിപ്പിച്ചിരിക്കുന്നതെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്. വെള്ളിയാഴ്ച പുലർച്ചെയാണ് അദ്ദേഹത്തെ ആശുപത്രിയിൽ പ്രവേശിപ്പിച്ചത്. അമിതാഭ് ബച്ചന്റെ കാലിൽ ക്ലോട്ട് സംഭവിച്ചെന്നാണ് വിവരം.
- Advertisement -
ഇവിടെ ആൻജിയോപ്ലാസ്റ്റി ചെയ്തുവെന്നും റിപ്പോർട്ടുകളുണ്ട്. താരമിപ്പോൾ വിശ്രമത്തിലാണ്. എന്നാൽ, അമിതാഭ് ബച്ചന്റെ ആരോഗ്യനില സംബന്ധിച്ച ഔദ്യോഗിക വിവരങ്ങളൊന്നും പുറത്തുവന്നിട്ടില്ല. താരം എത്രയും വേഗം സുഖപ്പെടണമെന്ന പ്രാർത്ഥനയിലാണ് ആരാധകർ.
