കേരള പ്രദേശ് കസ്തൂർബാ ഗാന്ധി ദർശൻവേദി വനിതാ സംഗമവും ആദരവും

ഗുരുവായൂർ: കേരള പ്രദേശ് കസ്തൂർബാ ഗാന്ധി ദർശൻവേദി ജില്ലാ കമ്മിറ്റിയുടെ ആഭിമുഖ്യത്തിൽ അന്താരാഷ്ട്ര വനിതാദിനത്തോടനുബന്ധിച്ച് വനിതാ സംഗമവും വിവിധ മേഖലയിൽ വ്യക്തിമുദ്രപതിപ്പിച്ച വനിതകളെ ആദരിക്കുന്ന ചടങ്ങും സംഘടിപ്പിച്ചു. ഗുരുവായൂർ ശ്രീകൃഷ്ണ കൈലാസം ഹാളിൽ വച്ച് നടന്ന ചടങ്ങ് കേരളവർമ്മ കോളേജ് പ്രൊഫ്‌. ഡോ ജ്യൂവൽ ജോൺ ആലപ്പാട്ട് ഉദ്ഘാടനം ചെയ്തു.

കസ്തൂർബാ വേദി ജില്ലാ ചെയർപേഴ്സൺ ശ്രീമതി രേണുക മേനോൻ അധ്യക്ഷത വഹിച്ച ചടങ്ങിൽ സിസ്റ്റർ. റോസ്‌ലിൻ, കെ പി ജി ഡി സംസ്ഥാന ജനറൽ സെക്രട്ടറിയും സാഹിത്യകാരനുമായ ഡോ അജിതൻ മേനോത്ത്, കെ പി ജി ഡി ജില്ലാ ചെയർമാൻ പ്രൊഫ്‌. വി എ വർഗീസ്, കസ്തൂർബാ വേദി ജനറൽ കൺവീനർ അഡ്വ. ലൈല പി, കെ പി ജി ഡി ജില്ലാ വൈസ് ചെയർമാൻ ശ്രീ വി കെ ജയരാജൻ, ശ്രീമതി രമാദേവി എന്നിവർ സംസാരിച്ചു.