February 9, 2024 11:47 PM IST

- Advertisement -[the_ad id="14637"]

ഗുരുവായൂർ : പെരുന്തട്ട ശിവക്ഷേത്രത്തിലെ ഈ വർഷത്തെ മഹാരുദ്രയജ്ഞം ഞായറാഴ്ച ശ്രീരുദ്രജപത്തിനുശേഷം നടക്കുന്ന വസോർധാര, ദ്രവ്യകലശാഭിഷേകം എന്നിവയോടെ പര്യവസാനിക്കും. മഹാരുദ്രയജ്ഞം ഒൻപതാം ദിവസമായ ഇന്ന് ക്ഷേത്രം തന്ത്രി ബ്രഹ്മശ്രീ.ചേന്നാസ് ഹരി നമ്പൂതിരിപ്പാട് അഘോരമൂർത്തിക്ക് 11 കലശമാടി ഉച്ചപ്പൂജയും നടത്തി. പി.സി.സി.ഇളയത് ആദ്ധ്യാത്മിക പ്രഭാഷണം നടത്തി. വൈകുന്നേരം തന്ത്രി ചേന്നാസ് ശ്രീകാന്ത് നമ്പൂതിരിപ്പാട് ഭഗവതിസേവ നടത്തി. അനവധി ഭക്തജനങ്ങൾ ലളീതാസഹസ്രനാമാർച്ചനയിൽ പങ്കെടുത്തു.

വൈകുന്നേരം നാഗഹാരനൃത്തമണ്ഡപത്തിൽവെച്ച് ദുർഗ്ഗാലക്ഷ്മി വീണയിൽ(കരോക്കെ) ഭക്തിഗാനങ്ങൾ വായിച്ചു.രാത്രി ഗുരുവായൂർ രാധികാ പരമേശ്വരൻ, ജി.പി.ഹരികൃഷ്ണൻ, ഹരിരാം.ജി.പി.(മൃദംഗം )എന്നിവരുടെ വയലിൻ കച്ചേരിയും ഉണ്ടായി. ഉച്ചക്ക് നടന്ന അന്നദാനത്തിൽ 2500 ൽ പരം ഭക്തജനങ്ങൾ പങ്കെടുത്തു.