“കൃഷ്ണന്റെ ചിരി ” ഗുരുവായൂരിൽ പ്രകാശനം ചെയ്തു.

ഗുരുവായൂർ: അനിയൻ തലയാറ്റുംപ്പിള്ളി എഴുതിയ കൃഷ്ണന്റെ ചിരി എന്ന പുസ്തകത്തിന്റെ പ്രകാശനം കർമ്മം റിട്ട ക്രൈം ബ്രാഞ്ച് എസ .പി ആർ കെ ജയരാജ് ഗുരുവായൂർ ക്ഷേത്രം മുൻ മേൽശാന്തി ഡോ: തോട്ടം ശിവകരൻ നമ്പൂതിരിക്ക് നൽകി പ്രകാശന കർമ്മം നിർവ്വഹിച്ചു. 

നഗരസഭ ലൈബ്രറി ഹാളിൽ നടന്ന ചടങ്ങിൽ റിട്ട കൺസ്യൂമർ കോർട്ട് ജഡ്ജ് ഡോ: കെ രാധാകൃഷ്ണൻ നായർ അദ്ധ്യക്ഷത വഹിച്ചു. കൊച്ചി കുമാരനാശാൻ സാംസ്കാരിക കേന്ദ്രം സെക്രട്ടറി കെ ആർ സജി, പ്രബോധാ സെക്രട്ടറി ഡി ഡി നവീൻകുമാർ, അഡ്വ രവി ചങ്കത്ത്, വി പി ഉണ്ണികൃഷ്ണൻ, അനിയൻ തലയാറ്റുംപ്പിള്ളി, കെ ആർ ജയപ്രസാദ്, അനിൽ കല്ലാറ്റ്, ഡോ ഉഷാകിരൺ എന്നിവർ സംസാരിച്ചു. 

പൈതൃകം ഗ്രന്ഥശാലയും സ്നേഹസ്പർശം ഗുരുവായൂരും, പ്രബോധ ട്രസ്റ്റും സംയുക്തമായാണ് ചടങ്ങ് സംഘടിപ്പിച്ചത്.