ദക്ഷിണ മേഖല സാംസ്കാരിക ഭരണ സമിതിയിൽ കുഴൽമന്ദം രാമകൃഷ്ണൻ

പാലക്കാട്: ഭാരത സർക്കാർ സാംസ്കാരിക വകുപ്പിന്റെ സൗത്ത് സോൺ കൾച്ചറൽ സെന്ററിന്റെ ഭരണ സമിതിയിൽ കേരള സംസ്ഥാനത്തിന്റെ പ്രതിനിധിയായി കുഴൽമന്ദം രാമകൃഷ്ണൻ നിയമിതനായി. ഭരണ സമിതിയുടെ ആദ്യ യോഗം 2023 ഡിസംബർ 26 ന് ചെന്നൈ രാജ്ഭവനിൽ നടക്കും.

അച്ഛൻ ഗോപാലകൃഷ്ണയ്യരുടെ ശിക്ഷണത്തിൽ തുടങ്ങിയ മൃദംഗ അഭ്യസനം 40 വർഷത്തിലധികം കലാസപര്യയുമായി തുടരുന്നു. ആകാശവാണി ദൂരദർശൻ എ ടോപ്പ് ഗ്രൈഡ് കലാകാരൻ, സംഗീത നാടക അക്കാദമി അവാർഡ് ജേതാവ്, ഗുരുവായൂർ ചെമ്പൈ സംഗീതോത്സവം മൃദംഗ വിഭാഗം ചുമതലക്കാരൻ, 501 മണിക്കൂർ കലാപ്രകടനത്തിലൂടെ ഗിന്നസ് ലോക റിക്കോർഡ് കരസ്ഥമാക്കിയ കലാകാരനാണ് കുഴൽമന്ദം രാമകൃഷ്ണൻ.