ഗുരുവായൂർ: ഗുരുവായൂർ മെട്രോലിങ്ക്സ് ക്ലബ്ബിൻറെ ആഭിമുഖ്യത്തിൽ പതിനഞ്ചാമത് അഖില കേരള ചിത്രരചന മത്സരം മെട്രോ കളർഫസ്റ്റ് സംഘടിപ്പിച്ചു ഗുരുവായൂർ എൽ എഫ് കോളേജ് ഓഡിറ്റോറിയത്തിൽ നടന്ന സമ്മേളനം ഗുരുവായൂർ സർക്കിൾ ഇൻസ്പെക്ടർ പ്രേമാനന്ദ കൃഷ്ണൻ ഉദ്ഘാടനം ചെയ്തു.
ഗുരുവായൂർ എൽ എഫ് കോളേജിൽ വെച്ച് നടന്ന മത്സരത്തിൽ തൃശൂർ കോഴിക്കോട് മലപ്പുറം പാലക്കാട് എറണാകുളം ജില്ലകളിൽ നിന്നായി 3500 ഓളം ചിത്ര പ്രതിഭകൾ ചിത്രരചന മത്സരത്തിൽ പങ്കെടുത്തു. എൽ കെ ജി മുതൽ കോളേജ് വരെ ആറ് കാറ്റഗറികളിലായാണ് മത്സരങ്ങൾ നടന്നത്. സ്പെഷ്യൽ സ്കൂൾ വിദ്യാർത്ഥികൾക്കായി പ്രത്യേക മത്സരവും ഉണ്ടായിരുന്നു .
ക്ലബ് പ്രസിഡന്റ് പി മുരളീധരൻ അധ്യക്ഷത വഹിച്ച യോഗത്തിൽ പ്രശസ്ത സിനിമാതാരം ശിവജി ഗുരുവായൂർ എൽ എഫ് കോളേജ് പ്രിൻസിപ്പൽ സിസ്റ്റർ ഡോക്ടർ ജിസ്മ തെരസ് എന്നിവർ മുഖ്യാതിഥികളായിരുന്നു. ജയ്സൺ ഗുരുവായൂർ ആശംസകൾ നേർന്നു.
കളർ ഫസ്റ്റ് ചീഫ് കോഡിനേറ്റർ ബാബു വർഗീസ് ആമുഖ പ്രസംഗം നടത്തി സെക്രട്ടറി ഗിരീഷ് ഗീവർ സ്വാഗതവും വൈസ് പ്രസിഡൻറ് ഷൈജു നന്ദിയും പറഞ്ഞു
ട്രഷറർ ചാർലി മാളിയമ്മാവ്, വി കെ അനിൽകുമാർ ഷാജി താനപറമ്പിൽ, ടി ഡി വാസുദേവൻ, വിശ്വനാഥൻ പി ജി, ജയശങ്കർ, ധനീഷ്, ശ്രീപാദം ജയൻ , MP ഹംസക്കുട്ടി, ആന്റോ നീലങ്കാവിൽ, പിന്റോ, പോളി മാസ്റ്റർ, സുരേഷ് കെ വി തുടങ്ങിയവർ പരിപാടികൾക്ക് നേതൃത്വം നൽകി.
