ഗുരുവായൂർ : ചാവക്കാട് ഉപ ജില്ലാ സ്‌കൂൾ ശാസ്ത്ര മേള 30 31 തിയ്യതികളിൽ തൊഴിയൂർ സെന്റ് ജോർജ് ഹയർ സെക്കണ്ടറി സ്‌കൂളിൽ നടക്കുമെന്ന് ചാവക്കാട് എ ഇ ഒ കെ ആർ രവീന്ദ്രൻ അറിയിച്ചു .
തിങ്കളാഴ്ച രാവിലെ 10 നു മണലൂർ എം എൽ എ മേള ഉദ്ഘാടനം ചെയ്യും . ഗുരുവായൂർ നഗരസഭ അദ്യക്ഷൻ എം കൃഷ്ണദാസ് അദ്ധ്യക്ഷത വഹിക്കുന്ന ചടങ്ങിൽ സിറിൽ മാർ ബസ്സേലിയോസ്‌ മെത്രാ പോലിത്ത മുഖ്യാഥിതിയാകും. ജന പ്രതിനിധികളും വിവിധ അധ്യാപക സംഘടനാ നേതാക്കൾ തുടങ്ങിയവർ സംസാരിക്കും
ചൊവ്വാഴ്ച വൈകീട്ട് 4 ന് നടക്കുന്ന സമാപന സമ്മേളനം എൻ കെ അകബര് എം എൽ എ ഉദ്ഘാടനം ചെയ്യും. ചാവക്കാട് നഗരസഭ ചെയർപേഴ്സൺ ഷീജ പ്രശാന്ത് അദ്ധ്യക്ഷത വഹിക്കുന്ന ചടങ്ങിൽ വടക്കേകാട് പഞ്ചായത്ത് പ്രസിഡന്റ് എൻ കെ നബീൽ മുഖ്യാഥിതിയാകും. പ്രിൻസിപ്പൽ പി എസ് പ്രീതി, നഗരസഭ വൈസ് ചെയർമാൻ അനീഷ്‌മ മനോജ്, എ സായിനാഥൻ, സുഹ്‌റ ഹംസമോൻ, ബഷീർ പൂക്കോട് തുടങ്ങിയവർ സംസാരിക്കും. ജനറൽ കൺവീനർ പി എസ് പ്രീതി, കൗൺസിലർ ഫൈസൽ പൊട്ടത്തയിൽ, ബിനോയ് പി മാത്യു എം എസ് ശ്രീവത്സൻ, ടി എ ഫ്രാൻസിസ്, സി എം അഷറഫ്, ബിജു എന്നിവരും വാർത്താ സമ്മേളനത്തിൽ പങ്കടുത്തു.
