ഗുരുവായൂർ ദേവസ്വം ജീവധനത്തിൽ നിന്ന പ വിരമിച്ചവരുടെ നേതൃത്വത്തിൽ ആനക്കോട്ടയിൽ ആനയൂട്ട്.

ഗുരുവായൂർ :ഗുരുവായൂർ ദേവസ്വം ജീവധനം വിഭാഗത്തിൽ ജോലി ചെയ്ത് വിരമിച്ചവരുടെ കൂട്ടായ്മ  പുന്നത്തൂർ കോട്ടയിൽ ആനയൂട്ട് നടത്തി. റിട്ട. ജീവധനം ഡെപ്യൂട്ടി അഡ്മിനിസ്ട്രേറ്റർ എം അരവിന്ദാക്ഷൻ ജൂനിയർ വിഷ്ണുവിന്, തണ്ണിമത്തനും ചോറ് ഉരുളയും നൽകി ആനയൂട്ട് ഉദ്ഘാടനം ചെയ്തു.

എം പി ശങ്കരനാരായണൻ്റെ അദ്ധ്യക്ഷതയിൽ ചേർന്ന യോഗത്തിൽ പുന്നത്തൂർ കോട്ടയിലെ മുതിർന്ന ആനക്കാരനായ ഇ രാഘവനെ പി എ അശോക് കുമാർ പൊന്നാട ചാർത്തി ആദരിച്ചു. വനിതാ മാനേജർ ഇ ബീനയെ ആർ നാരായണൻ പൊന്നാട ചാർത്തി ആദരിച്ചു. ശിവദാസ് മൂത്തേടത്ത്, ആർ രാജഗോപാൽ, പി വി സോമസുന്ദരൻ, കെ ആർ സുനിൽകുമാർ, എസ്. ശശിധരൻ, ആർ പരമേശ്വരൻ തുടങ്ങിയവർ സംസാരിച്ചു. ചടങ്ങിൽ ഉണ്ണികൃഷ്ണൻ പാലക്കോട് നന്ദി രേഖപെടുത്തി.