ഉത്തരാഖണ്ഡിൽ വന്യജീവി സങ്കേതത്തിൽ തീപിടിത്തം; മരിച്ചവരിൽ ഫോറസ്റ്റ് ഉദ്യോഗസ്ഥരും

ഡെറാഡൂൺ : ഉത്തരാഖണ്ഡിലെ അൽമോറ ജില്ലയിലുള്ള ബിൻസർ വന്യജീവി സങ്കേതത്തിലുണ്ടായ തീപിടിത്തത്തിൽ 3 ഫോറസ്റ്റ് ഉദ്യോഗസ്ഥർ ഉൾപ്പെടെ 4 പേർ മരിച്ചു. വ്യാഴാഴ്ച വൈകുന്നേരം 3.30 ഓടെയായിരുന്നു അപകടം.

ദിവാൻ രാം (35), കരൺ ആര്യ (21), ത്രിലോക് മെഹ്ത (56) എന്നീ ഫോറസ്റ്റ് ഉദ്യോഗസ്ഥരാണ് അപകടത്തിൽ മരിച്ചത്. ഫോറസ്റ്റ് ഉദ്യോഗസ്ഥർക്ക് പുറമെ പൂരാൻ മെഹ്‌റ എന്ന പി.ആർ.ഡി തൊഴിലാളി കൂടി അപകടത്തിൽ മരിച്ചിട്ടുണ്ട്. അപകടത്തിൽ പരിക്കേറ്റ മറ്റു നാലു ഫോറസ്റ്റ് ഉദ്യോഗസ്ഥരെ ഹൽദ്വാനിയിലെ ആശുപത്രിയിലേക്ക് എയർ ലിഫ്റ്റ് ചെയ്ത് എത്തിച്ചിട്ടുണ്ട്.

അപകടത്തിൽ അനുശോചനം രേഖപ്പെടുത്തിയ ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി മരണപ്പെട്ടവരുടെ കുടുംബങ്ങൾക്ക് 10 ലക്ഷം രൂപ ധനസഹായം നൽകുമെന്ന് അറിയിച്ചിട്ടുണ്ട്.