- Advertisement -[the_ad id="14637"]
ആദം സാംപയുടെ വിശ്വ രൂപം കണ്ട മത്സരത്തിൽ നമീബിയയെ എട്ടാക്കിമടക്കി ഓസ്ട്രേലിയ സൂപ്പർ എട്ടിലേക്ക് മാർച്ചു ചെയ്തു. ഗ്രൂപ്പ് ബിയിൽ ആദ്യം സൂപ്പർ 8 ഉറപ്പിക്കുന്ന ടീമാണ് ഓസിസ്. 12 റൺസ് വഴങ്ങി നാലു വിക്കറ്റ് നേടിയ സാംപ ടി20 ക്രിക്കറ്റിൽ വിക്കറ്റ് നേട്ടം നൂറാക്കി.
നമീബിയ 17 ഓവറിൽ നേടിയ 72 റൺസ് ഓസ്ട്രേലിയ 34 പന്തിൽ മറികടന്നു. 34 റൺസെടുത്ത ട്രാവിസ് ഹെഡാണ് ടോപ് സ്കോറർ. 8 പന്തിൽ 20 റൺസുമായി തകർത്തടിച്ച വാർണറുടെ വിക്കറ്റാണ് ഓസ്ട്രേലിയ ആകെ നഷ്ടമായത്. ക്യാപ്റ്റൻ മിച്ചൽ മാർഷ് 9 പന്തിൽ 18 റൺസുമായി പുറത്താകാതെ നിന്നു.
നമീബിയൻ ക്യാപ്റ്റൻ ഗെർഹാർഡ് ഇറാസ്മസാണ് (36) അവരുടെ ടോപ് സ്കോറർ. എട്ടുപേരാണ് രണ്ടക്കം കാണാതെ പുറത്തായത്. മാർക്കസ് സ്റ്റോയിനിസും ജോഷ് ഹേസിൽവു‍ഡ‍ും രണ്ടുവീതം വിക്കറ്റ് വീഴ്‌ത്തിയപ്പോൾ നേഥാൻ എല്ലിസിനും കമ്മിൻസിനും ഓരോ വിക്കറ്റ് വീതം ലഭിച്ചു.
