ദിലീപിന്റെ സുഹൃത്ത് വലയങ്ങളിൽ ഏറ്റവും അടുപ്പമുള്ള ഒരാളാണ് നടൻ റിയാസ് ഖാൻ. മലയാളി പ്രേക്ഷകർ ആഘോഷമാക്കിയ ദിലീപ് ചിത്രങ്ങളിൽ മിക്കവയിലും റിയാസ് ഖാനും ഭാഗമായിരുന്നു. കൊച്ചി രാജാവ്, സ്പീഡ്, ലയൺ, മായാമോഹിനി, ജൂലൈ 4, മിസ്റ്റർ മരുമകൻ, ടു കൺട്രീസ് തുടങ്ങിയവ ഉദാഹരണങ്ങളാണ്. ഈ സിനിമകളിലെല്ലാം ഇരുവരും തമ്മിലുള്ള കോമ്പിനേഷൻ സീനുകൾ കയ്യടികൾ നേടിയിരുന്നു. ദിലീപുമായുള്ള കൂട്ടുകെട്ടിനെ പറ്റി മനസ്സ് തുറക്കുകയാണ് റിയാസ് ഖാൻ. ഒരു ഓൺലൈൻ ചാനലിന് നൽകിയ അഭിമുഖത്തിലാണ് ദിലീപുമായുള്ള സൗഹൃദത്തെ പറ്റി റിയാസ് ഖാൻ പറയുന്നത്.
“സ്കൂളിൽ ഒരു കുട്ടിയുമായി ഫ്രണ്ട് ആകുന്നതുപോലെയാണ് ഞങ്ങൾ തമ്മിലുള്ള ബന്ധം. ഫ്രണ്ട് ആയാൽ പിന്നെ ജീവിതകാലം മുഴുവൻ ഫ്രണ്ടാണ്. തെറ്റ് ചെയ്താലും എന്നെ അടിച്ചാലും തള്ളിയിട്ടാലും സുഹൃത്ത് സുഹൃത്ത് തന്നെയാണ്. ഞങ്ങൾ സുഹൃത്തുക്കളായാണ് തുടങ്ങിയത്, സുഹൃത്തുക്കളായാണ് അഭിനയിക്കുന്നത്, ഇനിയും അങ്ങനെയേ തുടരുകയുള്ളൂ”
” ടു കൺട്രീസ് അടക്കമുള്ള സിനിമകളിൽ ദിലീപാണ് എന്നെ വിളിക്കുന്നത്. പുള്ളിക്ക് അറിയാം ഞാൻ ഇതൊക്കെ ചെയ്യുമെന്ന്. കാരവാനിൽ ഇരുന്നു റൂമിൽ ഇരുന്നുമെല്ലാം ഞാൻ കോമഡി ചെയ്യും. ദിലീപിന് അത് അറിയാം. ടു കൺട്രീസിലെ കഥാപാത്രം വലിയ സംഭവമൊന്നുമല്ല. എന്നിരുന്നാലും അറിയപ്പെടുന്ന ഒരാൾ വരണം എന്നുണ്ടായിരുന്നു. അപ്പോൾ ദിലീപ് പറഞ്ഞതാണ്, റിയാസ് ചെയ്താൽ കറക്റ്റ് ആകും എന്ന്. ആ കഥാപാത്രം ഞാൻ ചെയ്തു കഴിഞ്ഞപ്പോൾ എല്ലാവരും ഹാപ്പിയായി”- റിയാസ് ഖാൻ പറഞ്ഞു.
