- Advertisement -[the_ad id="14637"]
കൊച്ചി: ഇന്ത്യയുടെ മുൻ ഫുട്ബോൾ താരവും പരിശീലകനുമായ ടി കെ ചാത്തുണ്ണി വിടവാങ്ങി. കൊച്ചിയിലെ സ്വകാര്യ ആശുപത്രിയിൽ രാവിലെ 7.30 ഓടെയായിരുന്നു അന്ത്യം. അർബുദ ബാധയെ തുടർന്ന് ചികിത്സയിലായിരുന്നു. മോഹൻ ബഗാൻ, എഫ്സി കൊച്ചിൻ, ഡെംപോ ഗോവ, തുടങ്ങിയ പ്രമുഖ ടീമുകളെ പരിശീലിപ്പിച്ചിട്ടുണ്ട്.
കേരള പൊലീസ് ടീമിലൂടെ സംസ്ഥാനത്തേക്ക് ആദ്യമായി ഫെഡറേഷൻകപ്പ് കിരീടം എത്തിച്ചത് ചാത്തുണ്ണിയായിരുന്നു. സന്തോഷ് ട്രോഫിയിൽ കേരളത്തിനായും ഗോവയ്‌ക്കായും കളിച്ചിട്ടുണ്ട്. ഇന്ത്യൻ ഫുട്ബോളിലെ പ്രമുഖ താരങ്ങളെ വാർത്തെടുക്കുന്നതിൽ പരിശീലകനെന്ന നിലയിലും നിർണായകമായ പങ്ക് വഹിച്ചു. ഐഎം വിജയൻ, ജോപോൾ അഞ്ചേരി, സി വി പാപ്പച്ചൻ, യു ഷറഫലി തുടങ്ങിയ താരങ്ങളെല്ലാം ചാത്തുണ്ണിയുടെ ശിക്ഷണത്തിൽ വളർന്നുവന്നവരാണ്. ‘ഫുട്ബോൾ മൈ സോൾ’ എന്ന പേരിൽ പുസ്തകവും രചിച്ചിട്ടുണ്ട്.
