കുന്ദംകുളം: മഹാത്മാഗാന്ധി കൾച്ചറൽ ഫോറത്തിന്റെ ആഭിമുഖ്യത്തിൽ മെറിറ്റ് ഡേയും ആദര സമ്മേളനവും സംഘടിപ്പിച്ചു. ആർത്താറ്റ് മാർത്തോമ ഹാളിൽ നടന്ന ചടങ്ങ് 24 കേരള ബറ്റാലിയൻ അസോസിയേറ്റ്ഡ് എൻ.സി.സി ഓഫീസർ മേജർ പി ജെ സ്റ്റൈജു ഉദ്ഘാടനം ചെയ്തു.
കുന്നംകുളം നഗരസഭ 23-ാം വാർഡ് കൗൺസിലർ മിഷ സെബാസ്റ്റ്യൻ അധ്യക്ഷത വഹിച്ച യോഗത്തിൽ മുൻ നഗരസഭ കൗൺസിലർ അഡ്വക്കേറ്റ് പിൽജോ വർഗീസ്, തിരൂർ ഹൈസ്കൂളിലെ പ്രധാന അധ്യാപകൻ ജോഷി വി .ഡി, വിനു വാഴപ്പള്ളി, ജോൺസൺ സി ജെ എന്നിവർ പ്രസംഗിച്ചു.
കേരളത്തിലെ മികച്ച എൻസിസി ഓഫീസറും രക്തദാന- ലഹരി വിരുദ്ധ പ്രവർത്തകനുമായ മേജർ പിജെ സ്റ്റൈജു വിനെ മഹാത്മാഗാന്ധി കൾച്ചറൽ ഫോറത്തിൽ ഉപഹാരം കൗൺസിലർ മിഷ സെബാസ്റ്റ്യൻ സമ്മാനിച്ചു 23-ാം വാർഡിലെ എസ്.എസ്.എൽ.സി, പ്ലസ് ടു ഉന്നത വിജയം നേടിയ എല്ലാ വിദ്യാർത്ഥികളെയും ഉപഹാരം നൽകി ആദരിച്ചു കൂടാതെ വാർഡിലെ മറ്റു കുട്ടികൾക്കായി പഠനോപകരണ വിതരണവും നടന്നു.
സമ്മേളനത്തിനു ശേഷം മേജർ പിജെ സ്റ്റൈജു നയിച്ച കരിയർ മോട്ടിവേഷൻ ക്ലാസും സംഘടിപ്പിക്കപ്പെട്ടു.
