- Advertisement -[the_ad id="14637"]
അമ്പലപ്പുഴ: ശക്തമായ കാറ്റിൽ അമ്പലപ്പുഴയിൽ വീട് തകർന്നു. കുടുംബാംഗങ്ങൾ അത്ഭുതകരമായി രക്ഷപ്പെട്ടു. അമ്പലപ്പുഴ വടക്ക് പഞ്ചായത്തിൽ രണ്ടാം വാർഡിലെ ദൈവത്തിങ്കൽ വീട്ടിൽ പ്രദീപിന്റെ വീടാണ് തകർന്നത്. പുലർച്ചെയുണ്ടായ ശക്തമായ കാറ്റിൽ വീടിന്റെ മുൻഭാഗം നിലംപൊത്തുകയായിരുന്നു.
പുലർച്ചെ 5 മണിയോടെയായിരുന്നു സംഭവം. അപകട സമയത്ത് പ്രദീപും ഭാര്യയും രണ്ട് മക്കളും ഉറക്കത്തിൽ ആയിരുന്നു. ഇവർ കിടന്നിരുന്ന മുറികളുടെ സമീപത്തെ വീടിന്റെ ഭാഗമാണ് കാറ്റിൽ തകർന്നത്. ആലപ്പുഴ ജില്ലയുടെ വിവിധ ഭാഗങ്ങളിൽ കഴിഞ്ഞ മൂന്ന് ദിവസമായി ശക്തമായ മഴയും കാറ്റുമാണ് ഉണ്ടായത്. ജില്ലയിലെ തന്നെ തലവടി പ്രദേശത്തും സമാനമായ രീതിയിൽ വീടുകൾ തകർന്നതായി റിപ്പോർട്ട് ചെയ്തിട്ടുണ്ട്.
