എൻഡിഎ സർക്കാരിന്റെ സത്യപ്രതിഞ്ജാ ചടങ്ങിൽ നിരവധി താരങ്ങൾ പങ്കെടുത്തിരുന്നു. ഇവരുടെ ചിത്രങ്ങളെല്ലാം സമൂഹമാദ്ധ്യമങ്ങളിൽ വൈറലുമാണ്. ഇതിൽ സദസിലിരിക്കുന്ന ഷാരൂഖ് ഖാന്റെയും മുകേഷ് അംബാനിയുടെയും ചിത്രങ്ങളാണ് ഏറെ ശ്രദ്ധേയമാകുന്നത്. ഇരുവരും കുടിക്കുന്ന പാനീയമാണ് ചർച്ചയ്ക്കാധാരം.
വെറും 31 രൂപ മാത്രം വിലയുള്ള ഒആര്എസ് (ഓറല് റീഹൈഡ്രേഷന് സൊലൂഷന്) ലായനിയാണ് ഇരുവരുടേയും കൈയിലുള്ളത്. മുകേഷ് അംബാനിയും ഷാരൂഖ് ഖാനും ഒആർഎസ് ലായിനി കുടിക്കുമോ എന്ന ചോദ്യത്തോടെയാണ് പലരും സോഷ്യൽമീഡിയയിൽ ചിത്രങ്ങൾ പങ്കുവച്ചിരിക്കുന്നത്.
വടക്കേ ഇന്ത്യയിൽ ഉഷ്ണ തരംഗമായാതിനാലാകാം ഒആർഎസ് ലായിനി കുടിക്കുന്നതെന്നാണ് ചിലരുടെ അഭിപ്രായം. അടുത്തിടെ ഐപിഎൽ
മത്സരത്തിനെത്തിയ ഷാരൂഖിന് നിർജലീകരണം സംഭവിച്ചിരുന്നു. അതിനാലാകാം ഒആർഎസ് ലായനി കുടിക്കുന്നതെന്നും ആരാധകർ പറയുന്നുണ്ട്. ഒആര്എസ് എല്ലാവരും കുടിക്കുന്നതാണ് അതിന് സെലിബ്രിറ്റികൾ സാധാരണക്കാർ എന്നൊന്നും ഇല്ലെന്നും ചിലർ കമന്റിട്ടിട്ടുണ്ട്.