ഗുരുവായൂർ നഗരസഭ തെരെഞ്ഞെടുപ്പ് അട്ടിമറിക്കാൻ സി പി എം നടത്തുന്ന ശ്രമം അപലപനീയമാണ് എന്ന് കോൺഗ്രസ്സ് മുനിസിപ്പൽ തല നേതൃത്വ യോഗം വിലയിരുത്തി. സ്വന്തം സർക്കാർ നിയോഗിച്ച ഡീലിമിറ്റേഷൻ കമ്മറ്റി നിശ്ചയിച്ച മാനദ്ദണ്ഡങ്ങൾ പ്രകാരം വാർഡ് വിഭജനം പൂർത്തിയാക്കിയപ്പോൾ അതിനെതിരെ ബഹു ഹൈക്കോടതിയിൽ കേസ്സ് ഫയൽ ചെയതിരിക്കുകയാണ് സി പി.എം. വാസഗൃഹങ്ങളുടെ എണ്ണത്തിൻ്റെ അടിസ്ഥാനത്തിൽ വാർഡ് വിഭജനം നടത്തുന്നതിനാണ് സംസ്ഥാന ഡീലിമിറ്റേഷൻ കമ്മറ്റി വ്യവസ്ഥ ചെയ്തത്. ആയത് മാറ്റി ജനസംഖ്യ അടിസ്ഥാനത്തിൽ വാർഡ് വിഭജനം നടത്തണമെന്ന് ആവശ്യപ്പെട്ട് ബഹു ഹൈക്കോടതിയിൽ കേസ്സ് ഫയൽ ചെയ്തത് തെരെഞ്ഞെടുപ്പ് അട്ടിമറിക്കുന്നതിനാണ്. സംസ്ഥാനത്തെ എല്ലാ കോർപ്പറേഷനുകളിലും, നഗരസഭകളിലും വാസഗൃഹങ്ങളുടെ അടിസ്ഥാനത്തിൽ വാർഡ് വിഭജനം നടത്തുമ്പോൾ ഗുരുവായൂരിൽ മാത്രം ജനസംഖ്യ അടിസ്ഥാനത്തിൽ വാർഡ് വിഭജനം നടത്തണമെന്ന സി. പി എം വാദം പരിഹാസ്യമാണ്.

വാർഡ് വിഭജനത്തെ തുടക്കം മുതലേ സി പി എ തകിടം മറിക്കാൻ ശ്രമിച്ചിട്ടുള്ളതാണ് അതു കൊണ്ടാണ് നിയമ വിരുദ്ധമായിട്ടു പോലും കൗൺസിൽ യോഗത്തിൽ പ്രമേയം അവതരിപ്പിക്കുകയും തിരഞെടുപ്പ് കമ്മീഷന്റെ മുസിൽ പരാതിയുമായും ഒക്കെ നീങ്ങിയത് അവിടെയൊന്നും ഫലം കിട്ടാതായതോടെയാണ് സി പി എം ബഹു ഹൈക്കോടതിയിൽ ഇത്തരത്തിലുള്ള നീക്കവുമായി പോയിരിക്കുന്നത് സി പി എം നടപടിക്കെതിരെ നിയമപരമായി നിങ്ങുന്നതിനും, അവരുടെ ഇരട്ടത്താപ്പ് തുറന്ന് കാട്ടുന്നതിനുള്ള പ്രക്ഷോഭ പരിപാടികൾ ആവിഷ്ക്കരിക്കാനും യോഗം തീരുമാനിച്ചു. നഗരസഭ പ്രതിപക്ഷ നേതാവ് കെ. പി ഉദയൻ അദ്ധ്യക്ഷത വഹിച്ചു. ഗുരുവായൂർ ബ്ലോക്ക് പ്രസിഡണ്ട് അരവിന്ദൻ പല്ലത്ത്, മുൻ ബ്ലോക്ക് പ്രസിഡണ്ടുമാരായ എ.ടി സ്റ്റീഫൻ, ആർ രവികുമാർ, മണ്ഡലം പ്രസിഡണ്ടുമാരായ ഓ.കെ ആർ മണികണ്ഠൻ, ആൻ്റോ തോമാസ്, ബി.വി ജോയ്, കൗൺസിലർ കെ.പി എ റഷീദ് എന്നിവർ പ്രസംഗിച്ചു

തൃശ്ശൂർ പൂരം തിരുവമ്പാടി വിഭാഗത്തിൻെറ മഠത്തിൽ വരവ് പഞ്ചവാദ്യത്തിന്റെ ഇലത്താള പ്രമാണിയും മദ്ധ്യ കേരളത്തിലെ വാദ്യനിരയിലെ ഇലത്താള വിദ്വാനുമായ ചേലക്കര സൂര്യനാരായണന് തിരുവെങ്കിടം പാന യോഗത്തിന്റെ ആഭിമുഖ്യത്തിൽ കലാകാര കൂട്ടായ്മയിൽ ആദരാഞ്ജലികൾ അർപ്പിച്ച് അനുസ്മരിച്ചു…

വാദ്യ രംഗത്ത് സക്രിയവും, സജീവവുമായ സാന്നിധ്യ നിറവോടെ അരങ്ങുവാണിരുന്ന ഈ അതുല്യ കലാകാരന്റെ അകാല നിര്യാണം വാദ്യലോകത്ത് തീരാ നഷ്ടവും , വിടവുമാണെന്ന് വരുത്തിയിരിയ്ക്കുന്നതെന്ന് അനുശോചന പ്രമേയത്തിൽ സ്മരിക്കുകയും ചെയ്തു.

പാനയോഗം പ്രസിഡണ്ട് ശശി വാറണാട്ടിന്റെ അധ്യക്ഷതയിൽ ചേർന്ന അനുസ്മരണ സമ്മേളനത്തിൽ സെക്രട്ടറി ഗുരുവായൂർ ജയപ്രകാശ് അനുശോചന പ്രമേയമവതരിപ്പിച്ചു. വിവിധ കലാകാരന്മാരും. സംഘടന സാരഥികളുമായ ഉണ്ണികൃഷ്ണൻ എടവന , ഷൺമുഖൻ തെച്ചിയിൽ , ബാലൻ വാറണാട്ട്, ഇ. ദേവിദാസൻ , പ്രീത എടവന , മുരളി അകമ്പടി , പ്രഭാകരൻ മൂത്തേടത്ത്, രാജൻ കോക്കൂർ, ഹരീഷ് മമ്മിയൂർ, വത്സല നാരായണൻ , മോഹനൻ കുന്നത്തൂർ എന്നിവർ അനുസ്മരണ പ്രസംഗങ്ങൾ നടത്തി. പാനയോഗത്തിന്റെ നീണ്ട കാലമായിട്ടുള്ള അടുത്ത പ്രിയമിത്രവാദ്യ കലാകാരനാണ്ചേലക്കര സൂര്യനാരായണൻ