പിതൃസ്മൃതി” തെക്കു മുറി മാധവൻ നായർ സ്മാരക പുരസ്ക്കാരം ജോതിഷരത്നം കാണിപ്പയൂർ നാരായണൻ നമ്പൂതിരിപ്പാടിനും ,” മാതൃസ്മൃതി കണ്ടിയൂർ സുശീലമ്മ സ്മാരക പുരസ്ക്കാരം എഴുത്ത്കാരി സരസ്വതി കൃഷ്ണൻ കുട്ടിക്കും. അദ്ധ്യാത്മിക രംഗത്തെ കർമ്മനിരതമായ പ്രവർത്തന നിറ വ്യക്തിത്വങ്ങൾക്കും, ആ മേഖലയിലെ സേവന ദാതാക്കൾക്കുമായി ഗുരുവായൂർ ക്ഷേത്ര പാരമ്പര്യനായർ തറവാട്ട് കൂട്ടായ്മ ഏർപ്പെടുത്തിയിട്ടുള്ള പിതൃസ്മൃതി ” തെക്ക് മുറി മാധവൻ നായർ സ്മാരക പുരസ്ക്കാരത്തിന് ജോതിഷരത്നവും, പണ്ഡിതശ്രേഷ്ഠനുമായ കാണിപ്പയൂർ നാരായണൻ നമ്പൂരിപ്പാടിനെ തെരെഞ്ഞെടുത്തിരിക്കുന്നു .

കൂട്ടായ്മ സ്ഥാപക സാരഥികളിൽ പ്രമുഖനും, ഗുരുവായൂർ പാർത്ഥസാരഥി ക്ഷേത്രത്തിന് ഇന്ന് കാണുന്ന മഹനീയ മഹത്വ മുഖശ്രീയ്ക്ക് സാരഥ്യം നൽകിയ, ആദ്ധ്യാത്മിക – സാമൂഹ്യ നിറതേജസ്സ് കൂടിയായ തെക്കുമുറി മാധവൻ നായർ സ്മരണാർത്ഥം ക്ഷേത പാരമ്പര്യനായർ തറവാട്ടു്കൂട്ടായ്മ ഏർപ്പെടുത്തിയിട്ടുള്ള ഗുരുവായൂർ ക്ഷേത്രായൂർ ട്രസ്റ്റ് സ്പോൺസർ ചെയ്യുന്ന 10001-കയും, പ്രശസ്തിപത്രവും, ഫലകവും അടങ്ങിയതാണ് “പിതൃസ്മൃതി ” പുരസ്ക്കാരം. സാമൂഹികപ്രവർത്തനനിരതക്ക് കർമ്മസാരഥ്യംനൽക്കുന്ന മഹിളകൾക്ക് നൽകി പോരുന്ന കണ്ടിയൂർ സുശീലാമ്മ സ്മാരക പുരസ്ക്കാരത്തിന് എഴുത്ത്കാരിയും. ആദ്ധ്യാത്മിക അറിവുമായ സരസ്വതി കൃഷ്ണൻ കുട്ടിയെയും (ചൊവ്വല്ലൂർ കൃഷ്ണൻകുട്ടിയുടെ സഹധർമ്മിണി )തെരെഞ്ഞെടുത്തിരിക്കുന്നു.. മാതൃവാത്സല്യത്തിന്റെയും ,കുടുംബ കൂട്ടായ്മഭദ്രതയുടെയും തിളങ്ങുന്ന മഹിതാ മുഖമായിരുന്ന കൂട്ടായ്മ കുടുംബാംഗം കൂടിയായിരുന്ന കണ്ടിയൂർ സുശീലാമ്മ സ്മരണാർത്ഥം കൂട്ടായ്മ ഏർപ്പെടുത്തിയിട്ടുള്ള പിതൃസ്മതി ദിനത്തിൽ തന്നെ നൽക്കപ്പെടുന്ന കുടുംബാംഗങ്ങൾ സ്‌പോൺസർ ചെയ്യുന്ന 10001 കയും ഫലകവും അടങ്ങുന്ന” മാതൃ സ്മൃതി പുരസ്ക്കാരത്തിന് ഇത്തവണ സമൂഹത്തിന്റെ നാനാ തുറകളിൽ തന്റെ കർമ്മ പാടവവും , കർത്തവ്യ പാടവവും നിറശോഭിതനാക്കിയ ചൊവ്വല്ലൂർ കൃഷ്ണൻ കുട്ടിയുടെ പത്നിയും , എഴുത്തുക്കാരിയും ആദ്ധ്യാത്മിക പണ്ഡിതയുമായ സരസ്വതി കൃഷ്ണൻ കുട്ടിയെയും തെരെഞ്ഞെടുത്തിരിക്കുന്നു. ശ്രേഷ്ഠവും വിശിഷ്ടവുമായ കർക്കിടവാവ് ബലിസ്മൃതിദിനമായ ജൂലായ് 24 വ്യാഴാഴ്ച വൈക്കീട്ട് .3-30 ന്‌ ഗുരുവായൂർ രുഗ്മിണി റീജൻസിയിൽ ചേരുന്ന” പിതൃസ്മൃതി ദിനാചരണ സദസ്സിൽ പുരസ്ക്കാരങ്ങൾ സമ്മാനിക്കുന്നതുമാണ് .

ഗുരുവായൂർ : തിരുവെങ്കിടം പാനയോഗ ത്തിന്റെ പുരസ്ക്കാര ജേതാക്കളെ പ്രഖ്യാപിച്ചു. രജത ജൂബിലിയുടെ നിറവിലേക്ക് പ്രവേശിക്കുന്ന തിരുവെങ്കിടം പാനയോഗത്തിൻ്റെ ഗോപി വെളിച്ചപ്പാട് അനുസ്മരണം ആഗസ്റ്റ് ഏഴിന് സംഘടിപ്പിക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.

ഗോപി വെളിച്ചപ്പാട് സ്മാരക പുരസ്ക്കാരത്തിന് വാദ്യകുലപതി സദനം വാസുദേവൻ,എടവന മുരളീധരൻ സ്മാരക പുരസ്ക്കാരത്തിന് വാദ്യ വിദ്വാൻ കോട്ടക്കൽ പ്രസാദ്,ചങ്കത്ത് ബാലൻ നായർ സ്മാരക പുരസ്ക്കാരത്തിന് പാന പ്രവീൺ രാമചന്ദ്രൻപുത്തൻ വീട്ടിൽ, കല്ലൂർ ശങ്കരൻ സ്മാരക പുരസ്ക്കാരത്തിന് പരപ്പിൽ വേലായുധൻ, അകമ്പടി രാധാകൃഷ്ണൻ നായർ സ്മാരക പുരസ്കാരത്തിന് കലാമണ്ഡലം ഹരിനാരായണൻ എന്നിവർ അർഹരായി.

ആഗസ്റ്റ് 7ന് വ്യാഴാഴ്ച്ച രാവിലെ 10 ന് ഗുരുവായൂർ രുഗ്മിണി റീജൻസിയിൽ നടക്കുന്ന ചടങ്ങ് സംഗീത നാടകഅക്കാദമി ചെയർമാൻ മട്ടന്നൂർ ശങ്കരൻകുട്ടി മാരാർ ഉൽഘാടനം ചെയ്യും.മേളകുലപതി പെരുവനം കുട്ടൻ മാരാർ അദ്ധ്യക്ഷത വഹിക്കും.ഗുരുവായൂർ ക്ഷേത്രം തന്ത്രി ചേന്നാസ് ദിനേശൻനമ്പൂതിരിപ്പാട് പുരസ്കാര വിതരണം നിർവഹിക്കും. നഗരസഭ ചെയർമാൻ എം.കൃഷ്ണദാസ് മുഖ്യാതിഥിയാകും.

ഭാരവാഹികളായ ശരിവാറണാട്ട്, ഗുരുവായൂർ ജയപ്രകാശ്,ബാലൻ വാറണാട്ട്, ഷൺമുഖൻ തെച്ചിയിൽ ,ദേവീദാസ് ഇടവന, മുരളി അകമ്പടി, പ്രഭാകരൻ മൂത്തേടത്ത്,രാജൻ കോക്കൂർ എന്നിവർ വാർത്താ സമ്മേളനത്തിൽ പങ്കെടുത്തു.