“അയ്യപ്പന്റെ സ്വർണ്ണകട്ട കേസ്: പിണറായി സർക്കാറിനും ദേവസ്വം മന്ത്രിക്കും എതിരെ കോൺഗ്രസിന്റെ ജ്വാലാപ്രകടനം ഗുരുവായൂരിൽ”

ഗുരുവായൂർ: അയ്യപ്പന്റെ സ്വർണ്ണ കട്ടവരെ സംരക്ഷിക്കുന്ന പിണറായി വിജയനെതിരെയും ദേവസ്വം മന്ത്രി കെ. രാധാകൃഷ്ണൻ വാസവൻ രാജിവെക്കണമെന്ന ആവശ്യം ഉയർത്തിയും ഗുരുവായൂർ മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ പ്രതിക്ഷേധ ജ്വാല തെളിഞ്ഞു.

മമ്മിയൂർ കൈരളി ജംഗ്ഷനിൽ ബ്ലോക്ക് കോൺഗ്രസ്സ് പ്രസിഡണ്ട് അരവിന്ദൻ പല്ലത്ത് പതാക ജ്വാല മണ്ഡലം കോൺഗ്രസ്സ് പ്രസിഡണ്ട് ഒ.കെ.ആർ. മണികണ്ഠന് കൈമാറി തുടക്കം കുറിച്ചു. തുടർന്ന് നഗരത്തിലൂടെ നടത്തിയ പ്രകടനം ഗുരുവായൂർ കിഴക്കെനടയിലെ ഗാന്ധി പ്രതിമ പരിസരത്ത് സമാപിച്ചു.

ആർ. രവികുമാർ, കെ.പി. ഉദയൻ, ബാലൻ വാറണാട്ട്, സി.എസ്. സൂരജ്, കെ.പി.എ. റഷീദ്, ഷൈലജ ദേവൻ, ശിവൻ പാലിയത്ത്, ശശി വാറണാട്ട്, വി.എസ്. നവനീത്, പ്രദീഷ് ഓടാട്ട്, എം.ബി. രാജലക്ഷ്മി, കെ.കെ. രഞ്ജിത്ത്, ഒ.പി. ജോൺസൺ, ജോയ് തോമസ് ശശികുമാർ പട്ടത്താക്കിൽ, ഹരി വടക്കൂട്ട്, പ്രേം ജി മേനോൻ, സി. അനിൽകുമാർ, മനീഷ് നീലിമന, സി.കെ. ഡേവിസ്, സുഷാ ബാബു, കെ.പി. മനോജ്, മേഴ്സി ജോയ്, സി. ശങ്കരനുണ്ണി എന്നിവർ പ്രകടനത്തിന് നേതൃത്വം നൽകി.

“ദുർഗന്ധം, രോഗം, നിരാശ — മീരഭവനിൽ നരകജീവിതം!
മുരളിയുടെ നിലവിളി നഗരസഭയുടെ കാതുകളിലെത്തുമോ?”

ഗുരുവായൂർ: ഗുരുവായൂർ നഗരസഭയിലെ ഇരുപത്തിമൂന്നാം വാർഡിൽ വീട് നമ്പർ 308-ൽ സ്ഥിതി ചെയ്യുന്ന മീര ഭവനിലെ മുരളി പി ഗുരുതരമായ ആരോഗ്യപ്രശ്നങ്ങളുടെയും ദുർഗന്ധ ദുരിതത്തിന്റെയും നടുവിൽ പെട്ടിരിക്കുകയാണ്.

മുരളിയുടെ വീടിനോട് ചേർന്നുള്ള SFS ഫ്ലാറ്റ് സമുച്ചയത്തിൽ നിന്ന് ഒഴുക്കിവിടുന്ന കക്കൂസ് മാലിന്യവും വേസ്റ്റ് അടങ്ങിയ വെള്ളവും വീടിനോട് ചേർന്നുള്ള വഴിയിലേക്ക് ഒഴുകുന്നതായാണ് പരാതി. “ചില സമയങ്ങളിൽ ഡ്രൈനേജ് തുറന്നിടാറുണ്ട്. അതിനിടെ ഭക്ഷണം കഴിക്കാനോ ഒരു തുള്ളി വെള്ളം കുടിക്കാനോ പോലും കഴിയുന്നില്ല; അത്രയും ദുർഗന്ധം നിറഞ്ഞിരിക്കുന്നു,” എന്ന് മുരളി പറയുന്നു.

മുരളിയുടെ അപേക്ഷ പ്രകാരം, വീട്ടിൽ ഭാര്യയും ബുദ്ധി വളർച്ച ഇല്ലാത്ത സഹോദരനും മാത്രമാണ് ഇപ്പോൾ താമസിക്കുന്നത്. 2025 ഫെബ്രുവരി 27-ന് ഗുരുവായൂർ നഗരസഭാ ഹെൽത്ത് ഇൻസ്പെക്ടർക്കു മുമ്പാകെ പരാതി നൽകിയിട്ടും ഇതുവരെ നടപടിയൊന്നും ഉണ്ടായിട്ടില്ലെന്നാണ് ആരോപണം.. പ്രാദേശിക ടിവി ചാനലുകളിൽ വാർത്ത വന്നിട്ടും ഫ്ലാറ്റ് ഉടമകൾ യാതൊരു നടപടിയും കൈക്കൊണ്ടിട്ടില്ലെന്നും മുരളി പറയുന്നു.

എത്രയും പെട്ടെന്ന് നഗരസഭ നടപടി സ്വീകരിക്കണമെന്നും,. മനുഷ്യവാസം തന്നെ അസാധ്യമായ അവസ്ഥയിലാണ് ഞങ്ങൾ ഇപ്പോൾ,” എന്നാണ് ഈ കുടുംബം പറയുന്നത് .

നഗരസഭയ്ക്ക് നൽകിയ അപേക്ഷയുടെ പൂർണ്ണരൂപം താഴെക്കൊടുക്കുന്നു

പെൻഷനേഴ്സിന്റെ അഭിമാന നിമിഷം: സേവനത്തിന്റെ ശക്തിയോടെ – പെൻഷനേഴ്സ് അസോസിയേഷനിൽ പുതുതലമുറയ്ക്ക് അകമഴിഞ്ഞ വരവേൽപ്പ്”

ഗുരുവായൂർ: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ (കെ.എസ്.എസ്.പി.എ) ഗുരുവായൂർ നിയോജക മണ്ഡലത്തിൽ പുതുതായി അംഗത്വം നേടിയ അംഗങ്ങൾക്ക് ഭംഗിയാർന്ന വരവേൽപ്പ് നൽകി. ചടങ്ങ് ഗുരുവായൂർ ഫെസിലിറ്റേഷൻ സെന്ററിൽ ഉത്സാഹപൂർവ്വം നടന്നു.

നിയോജകമണ്ഡലം പ്രസിഡണ്ട് കെ. പി. പോളി അധ്യക്ഷത വഹിച്ച സമ്മേളനം ലിറ്റിൽ ഫ്ലവർ കോളേജ് പ്രിൻസിപ്പൽ റവ. ഡോ. സിസ്റ്റർ ജെ. ബിൻസി ഉദ്ഘാടനം ചെയ്തു.
ജില്ലാ പ്രസിഡണ്ട് കെ. ജി. ഉണ്ണികൃഷ്ണൻ മുഖ്യപ്രഭാഷണം നടത്തി.

ജില്ലാ സെക്രട്ടറി ഡേവിഡ് സ്റ്റീഫൻ പുതുതായി ചേർന്ന അംഗങ്ങൾക്ക് ഷാൾ അണിയിച്ച് സ്വീകരണം നൽകി.ചടങ്ങിൽ എം. എഫ്. ജോയ്, വി. കെ. ജയരാജൻ, വി. സി. ജോൺസൺ, പി. ആർ. സത്യനാഥൻ, കെ. ഗിരീന്ദ്രബാബു, തോംസൺ വാഴപ്പിള്ളി, പി. ഐ. ലാസർ, കെ. എ. കൊച്ചു റാണി, പി. മുകുന്ദൻ, കോയക്കുട്ടി എം. എന്നിവർ പ്രസംഗിച്ചു.

സംഘടനയുടെ സാമൂഹ്യ പ്രതിബദ്ധതയും കൂട്ടായ്മയും പ്രകടമാക്കിയ ചടങ്ങ് പുതുതായി ചേർന്ന അംഗങ്ങൾക്ക് പ്രചോദനമായിത്തീർന്നു.

“ജീവകാരുണ്യത്തിന്റെ പുതുവഴികൾ തുറന്ന് ബ്രദേഴ്സ് ക്ലബ്ബ്”

പ്രധാന പ്രവർത്തനങ്ങൾ

✅ അർഹരായവരെ തെരഞ്ഞെടുത്ത് മാസം തോറും ₹1000 സഹായം നൽകുന്ന പദ്ധതി തുടങ്ങി
✅ ഒരു വർഷത്തേക്ക് അരിയും പലവ്യജ്ഞനങ്ങളും അടങ്ങിയ കിറ്റുകൾ വിതരണം ആരംഭിച്ചു
✅ ഉദ്ഘാടന ദിനത്തിൽ 6 പേർക്ക് ധനസഹായവും 5 പേർക്ക് പലവ്യജ്ഞന കിറ്റുകളും നൽകി

ഗുരുവായൂർ : “ഇന്ത്യയുടെ ആത്മാവ് ഗ്രാമങ്ങളിലാണ്” എന്ന മഹാത്മാ ഗാന്ധിജിയുടെ സന്ദേശം ഹൃദയത്തിൽ ഉൾക്കൊണ്ട്, ജീവകാരുണ്യത്തിന്റെ കൈത്താങ്ങുമായി ബ്രദേഴ്സ് ക്ലബ്ബ് തിരുവെങ്കിടം “കാരുണ്യദിനം” ആഘോഷിച്ചു.

ക്ലബ്ബ് അങ്കണത്തിൽ പ്രസിഡണ്ട് ബാലൻ വാറണാട്ട് അധ്യക്ഷനായ കാരുണ്യ സദസ്സിൽ, അർഹരായ കുടുംബങ്ങളെ തെരഞ്ഞെടുത്ത് മാസം തോറും ആയിരം രൂപ വീതം ധനസഹായം നൽകുന്ന പദ്ധതിയുടെ ഉദ്ഘാടനം നടന്നു. കൂടാതെ നിർദ്ധനരായ കുടുംബങ്ങൾക്ക് ഒരു വർഷത്തേക്ക് അരിയും പലവ്യജ്ഞനങ്ങളും ഉൾപ്പെടുത്തിയ കിറ്റുകൾ നൽകുന്ന പദ്ധതിയും ആരംഭിച്ചു.

ചടങ്ങിൽ ആദ്യഘട്ടമായി 6 പേർക്ക് ധനസഹായവും 5 പേർക്ക് പലവ്യജ്ഞന കിറ്റുകളും വിതരണം ചെയ്തു.
? പദ്ധതിയുടെ വിതരണോത്ഘാടനം നഗരസഭ പ്രതിപക്ഷ നേതാവ് കെ.പി. ഉദയൻ നിർവ്വഹിച്ചു.
? നഗരസഭ കൗൺസിലർമാരായ വി.കെ. സുജിത്ത്, ദേവിക ദിലീപ്, കെ.പി.എ. റഷീദ് എന്നിവർ ചേർന്ന് വിതരണം നടത്തി.
? ജീവകാരുണ്യ പ്രവർത്തക അന്ന അർജ്ജുൻ പലവ്യജ്ഞന കിറ്റുകൾ കൈമാറി.

ക്ലബ്ബ് ജനറൽ സെക്രട്ടറി രവികുമാർ കാഞ്ഞുള്ളി, രക്ഷാധികാരികളും സാമൂഹിക പ്രവർത്തകരുമായ ടി.വി. രാജശേഖരൻ, പി.ഐ. ലാസർ മാസ്റ്റർ, കെ.ടി. സഹദേവൻ, പി.ഐ. ആന്റോ, വിംഗ്സ് ഓഫ് ബ്രദേഴ്സ് പ്രസിഡണ്ട് മേഴ്സി ജോയ് എന്നിവർ. പ്രസംഗിച്ചു.

പി. മുരളീധര കൈമൾ, നന്ദകുമാർ കാറാത്ത്, ശശി വാറണാട്ട്, ഉണ്ണികൃഷ്ണൻ കാഞ്ഞുള്ളി, ശശീധരൻ അകമ്പടി, രാമകൃഷ്ണൻ പുളിഞ്ചേരി, രഘു പി. മൂത്തേടത്ത്, ആന്റോ നീലങ്കാവിൽ, ശ്രീനാരായണൻ പട്ടത്തയിൽ, സി.ഡി. ജോൺസൺ, ശ്രീനാരായണൻ മുല്ലപ്പള്ളി, എൻ.കെ. ലോറൻസ്, ഷൺമുഖൻ തെച്ചിയിൽ, മഞ്ജു രവീന്ദ്രൻ, മായാദേവി ചീരക്കുഴി, ബാബു കണ്ട്രാശ്ശേരി, മിഗ്നേഷ് മോഹൻ (മിക്കി), പ്രശോഭ് മനയത്ത്, അനിത റിജു, അനീഷ രഘു, ഗീത വിജയകുമാർ എന്നിവർ.ചടങ്ങിന് നേതൃത്വം നൽകി.

? സമൂഹത്തിലെ കൂടുതൽ ആളുകളെ ജീവകാരുണ്യ പ്രവർത്തനങ്ങളിലേക്ക് കൈപിടിച്ചു കൊണ്ടുപോകാനുള്ള ഒരു മഹത്തായ തുടക്കമായി കാരുണ്യ ദിനാചരണം മാറി.