HomeAuthorsPosts by Artist Nandan Pillai

Artist Nandan Pillai

അരമണികിങ്ങിണികൾ വാ തുറന്നു വിശന്നു കരയുന്നമ്മേ, വെണ്ണ കൊടുത്തില്ലേൽ കുമ്പയിൽ കടിക്കുമത്രേ

പാൽ കറക്കുന്ന നേരത്ത് തന്നെ, പൈക്കിടാവിനെ അഴിച്ചവൻ കണ്ണൻ, അമ്മ ക്ടാവിനെ കെട്ടുവാൻ ഓടുമ്പോൾ,.. കറന്നു വെച്ചതോ കാലിയായ് പെട്ടെന്ന്

കുളികഴിഞ്ഞമ്മയ്ക്ക് വീണ്ടും കുളിക്കുവാൻ, നിറയെ ഒരുക്കി, പല പണികളും കണ്ണൻ

ചന്ദനത്തിരിയൊന്ന് കത്തിച്ച് വെച്ചു, ചെമ്പുകലത്തിലെ പാലുമുഴുവനും,.. തുള്ളിയില്ലാതെ തിളച്ചു തൂവിയത്രേ

കുപ്പായമന്വേഷിച്ചമ്മ നടക്കുമ്പോൾ, കുപ്പായമിട്ടൊരാൾ മുന്നിലെത്തി

കൊലുസ്സ് രണ്ടും ഊരിപ്പിടിച്ചത്, മണികിലുക്കം കേൾക്കാതിരിക്കാൻ, കുറുമ്പ് കാട്ടും കൊലുസ്സിനെയവൻ,,, ഉരലിൽ കെട്ടിയിട്ടരിശം പറഞ്ഞത്രേ

കുഞ്ഞ് പട്ടുമായ് കണ്ണന്റെ നടയിൽ, വന്നൊരമ്മയ്ക്ക് നഷ്ടമായാപട്ട്, നിന്ന് സങ്കടത്തോടെ കണ്ണനെ കണ്ടപ്പോൾ, കുമ്പ മറച്ചതാ പട്ടുമായ് കണ്ണൻ

കുഞ്ഞുപാത്രം വെച്ച് സങ്കടം ഭാവിച്ച്, കുത്തിയിരുന്നപ്പോ, കിട്ടി കുറേ വെണ്ണ

കുറുമ്പ് കാട്ടിയവനോടിവന്നതോ, ഉറങ്ങുമമ്മയുടെ മെത്തയിലേക്ക്, പിറകെ വന്നയടുക്കളക്കാർ, കുനിഞ്ഞു മിണ്ടാതെ മടങ്ങിയത്രേ

ഉരുളിപ്പുറത്തൊരു പുലിയെ വരച്ചിട്ടു, കുമ്മാട്ടിപുല്ലതിൽ കെട്ടിവെച്ചു, അമ്മ പേടിച്ചില്ല, കണ്ണനിറങ്ങിപ്പോയ്, നേദ്യം കഴിക്കാതൊളിച്ചിരുന്നു

ഒന്ന് പൊങ്ങണം സദ ഉണ്ടമ്മേ, വെണ്ണയുണ്ണുവാൻ തുണ്ട് സ്ഥലമുണ്ട്, കുഞ്ഞ് കുമ്പയിൽ ബാക്കി വെച്ചത്

ഉത്രാട കാഴ്ച്ചക്കുലകൾക്ക് മൊത്തം, ഇന്ദ്രസെൻ ആനയുടെ ഗമയെന്ന് കണ്ണൻ

എല്ലാ മനസ്സിലും പൂക്കളം തീർക്കുവാൻ, ഓടിയെത്തുന്നവൻ ഓലക്കുട കണ്ണൻ

പുത്തരിപ്പായസം ‘ഉപ്പു’ നോക്കാനായ്, ഇത്തിരി വേണമെന്ന് അമ്മ പറഞ്ഞത്രേ

ജലനാരായണനായി കണ്ണൻ താമരപ്പൂവള്ളിയിലാടി നീന്തി തുടിക്കുന്നത്, തീർത്ഥക്കുളത്തിലോ അതൊ പായസച്ചരക്കിലോ

വെണ്ണയിത്തിരി വേണമമ്മേയെന്റെ കുഞ്ഞ് വിരലുകൾ ഊരിയെടുക്കുവാൻ, വെണ്ണ തേച്ചാലെയെൻ ഓടക്കുഴലിന്റെ, സപ്തസ്വരവും സംഗീതമാവു

സത്യമാണമ്മേ, ഇന്നലെയില്ലം നിറക്കതിർ, കെട്ടിവെക്കുമ്പോൾ കണ്ടില്ല, പൊന്നുപോലൊരു വെണ്ണക്കുടം, ഉറിയിൽ

പൂക്കളം ഞാനിന്ന് തട്ടിത്തെറിപ്പിക്കും, മണ്ണപ്പം വാരി ഞാൻ നല്ലോണം തിന്നും, വെക്കത്തിൽ തന്നോയെൻ തൃക്കയ്യിൽ വെണ്ണ

ഗം ഗം ഗണപതയേ ജപിച്ചു കഴിഞ്ഞമ്മേ, കണ്ണൻ കളിക്കുവാൻ പോയി ദൂരെ

തീർത്ഥക്കുളത്തിലെ മീൻക്കുഞ്ഞിനെ തൊട്ട വേട്ടക്കാരി പട്ടിക്കേറ് കിട്ടി, കണ്ണന്റെ കവണകൊണ്ടേറ് കിട്ടി

അടിപ്രദക്ഷിണം തെറ്റാതിരിക്കാൻ ചുമല് കാട്ടിയ നടത്തമുണ്ട്, കുണുങ്ങി മുന്നേ പോകുന്ന കണ്ണൻ കണക്ക് തെറ്റിച്ച ചരിത്രമുണ്ട്

കുളിച്ചുകഴിഞ്ഞുടൻ തണുപ്പ് മാറ്റുവാൻ, കുറുമ്പ് കാട്ടിയൊളിച്ചിരിക്കുവാൻ, മറ്റൊന്നുമില്ലമ്മതൻ ചേലത്തുമ്പില്ലാതെ

പട്ടുകോണകം കണ്ടൊരു തത്തയ്ക്ക്, കൊത്തി നോക്കുവാൻ തോന്നും നിറം ചോപ്പ്

ഒളിച്ചിരുന്നതല്ലമ്മേ ഞാൻ, ഓടിവരാനാവില്ലല്ലോ, ഉണ്ടമല്ലികൾ കൊലുസാകാൻ, ‘ഒന്നിരുന്നു കൊടുത്തില്ലേ

ഓരോ തവണയുമോടിയെത്തി കണ്ണൻ, മുണ്ട് മുറുക്കുവാനെന്ന പേരിൽ, വാതിലടച്ചമ്മ ചൊല്ലിയത്രേ, മുണ്ടഴിഞ്ഞോട്ടിനി, വെണ്ണകഴിഞ്ഞെന്ന്

ചിങ്ങമൊന്നിന്നു നന്നായൊരുങ്ങി വാ, അമ്മ കാണാത്ത വെണ്ണക്കുടം തരാം, തുമ്പ മൂക്കുത്തി സമ്മാനമായ് തരാം കാശിത്തുമ്പ കടുക്കനായും തരാം

പെട്ടെന്നുറങ്ങുവാൻ അമ്മ പറഞ്ഞത്രേ, കുട്ടിയെ തട്ടും അസുരൻ വരുന്നെന്ന്, ചട്ടുകം കൊണ്ടവനെ കാണാനിരുന്നു ഒട്ടുമുറങ്ങാതെ,കണ്ണൻ

താള്, ചേമ്പ്, ചേന, തകര, ചൊറിതനം, കുമ്പളം, മത്തൻ, വെള്ളരി, നെയ്യുണ്ണി, ചീര, പത്തില ചേർത്ത് തോരനുണ്ടാക്കിയമ്മ, കണ്ണനോ മൊത്തം പൈക്കിടാവിനൂട്ടി, പത്തുഗുണം പാലിലുണ്ടാവുമത്രേ

ഉച്ചപൂജക്കുള്ളലങ്കാരം കാണുവാൻ, എത്തുന്ന ഭക്തർക്ക് കണ്ണൻ കൊടുക്കും, നെറ്റിയിലെ കുറി, ഇത്തിരി സമ്മാനം

കണ്ണൻ പടച്ചോറ് കഞ്ഞിയാക്കി അമ്മയ്ക്കോ ഉച്ചയൂണത്താഴമായ്, അത്താഴമുണ്ടാൽ അരക്കാതമെങ്കിലും ഓടിക്കളിക്കണം കണ്ണനൊപ്പം

123...16 Page 2 of 16

462 POSTS0 COMMENTS

Most Read

കുടുംബബന്ധങ്ങളുടെ കരുത്തിൽ ഒരു സ്നേഹോത്സവം; ഗുരുവായൂരിൽ പാരമ്പര്യ നായർ തറവാട്ട് കൂട്ടായ്മയുടെ കുടുംബസംഗമം നാളെ

30 Apr 2026 🕙 10:35 PM

ഭക്തിസാന്ദ്ര ആറാട്ടോടെ ബ്രഹ്മോത്സവത്തിന് സമാപനം; തിരുവെങ്കിടാചലപതി ബ്രഹ്മോത്സവത്തിന് കൊടിയിറങ്ങി

30 Apr 2026 🕙 10:22 PM

ഭരണമാറ്റത്തിലേക്ക് കേരളം?; യുഡിഎഫിന് വ്യക്തമായ ലീഡ് പ്രവചിച്ച് എക്സിറ്റ് പോൾ

29 Apr 2026 🕙 10:52 PM

ഒളിപ്പിച്ചില്ല പിറകിലൊന്നും കണ്ണൻ,കുളിക്ക് ശേഷമാദ്യം, പുറംതുടയ്ക്കണമെന്നമ്മ പറഞ്ഞത്രേ

29 Apr 2026 🕙 04:00 PM