Artist Nandan Pillai

അലങ്കാരഭംഗിക്കായ് ഉരുകാതിരിക്കാൻ വെണ്ണയ്ക്ക് പകരമായ് ചന്ദനം വെച്ചപ്പോൾ

അരമണികിങ്ങിണി തങ്കക്കൊലുസെല്ലാം ശബ്ദം വരാതെ പൊതിഞ്ഞുകെട്ടി പൊന്നിൻക്കുടമൊരു കുഞ്ഞിപ്പന്താക്കിയ കണ്ണൻ കുറുമ്പൻ കളിക്കിറങ്ങി

ഉറയൊഴിക്കാൻ ഇനി പാലുമില്ല തുള്ളി മോരുമില്ല, ഉറകൂടുവാനിനി ഉണ്ണിക്കുടവയർ

ചതുർബാഹുവായി ഒരുങ്ങുവാനായ് കണ്ണൻ, ചമയങ്ങളോരോന്നെടുത്തു നിന്നു

കെട്ടുപിണഞ്ഞൊരു അരമണിയുണ്ടേൽ മഞ്ഞപ്പട്ടിനിയെന്തിനു വേറെ

തൃശൂർ പൂരമല്ലേ ഇന്ന് കൊട്ടാൻ പോകാം, അമ്മ തൻ മദ്ദളം കയ്യിലുണ്ട്.

മഞ്ചാടി കുരു കുന്നിക്കുരുവിൽ കണ്ണൻ ചെയ്യുമലങ്കാരം

തൈലാഭിഷേകത്തിൻ നേരത്ത് പെട്ടെന്ന് കൃഷ്ണനാട്ടം കളരിയോർമ്മ വന്നു

തന്നെയണിയിച്ച കുഞ്ഞുടയാടകൾ സമ്മാനമായി കൊടുക്കുവാനായിട്ട് ചന്ദനകൗണ്ടറിൽ എന്നുമെത്തും കണ്ണൻ

പുത്തൻ കിരീടമണിഞ്ഞു കാണിക്കുവാൻ പെട്ടെന്നെഴുന്നേറ്റ് പോകുന്നനേരത്ത് മൊത്തം അലങ്കാരം ബാക്കിയായി