ഗുരുവായൂർ ദേവസ്വം എംപ്ലോയീസ് ഓർഗനൈസേഷൻ യാത്രയയപ്പ് നൽകി.

ഗുരുവായൂർ: ഗുരുവായൂർ ദേവസ്വത്തിൽ 13ഉം ,28ഉം വർഷത്തെ സ്തുത്യർഹ സേവനം പൂർത്തീകരിച്ച് 2023 ഓഗസ്റ്റ് 31 വ്യാഴാഴ്ച യു ഡി സി തസ്തികയിൽ നിന്നും വിരമിക്കുന്ന എൻ കെ മിനി, സി എസ്  അനിത എന്നിവർക്ക് ഗുരുവായൂർ ദേവസ്വം എംപ്ലോയീസ് ഓർഗനൈസേഷൻ യാത്രയയപ്പ് നൽകി.

ശ്രീവത്സം അനക്സിൽ വെച്ച് നടന്ന യാത്രയയപ്പ് സമ്മേളനത്തിൽ പ്രസിഡന്റ് നാരായണൻ ഉണ്ണി ഇ കെ അദ്ധ്യക്ഷത വഹിച്ചു. ഗുരുവായൂർ ദേവസ്വം ഭരണസമിതി അംഗം സി മനോജ് ഉദ്ഘാടനം നിർവ്വഹിക്കുകയും വിരമിക്കുന്ന ജീവനക്കാർക്ക് സ്നേഹോപഹാരം നൽകുകയും പൊന്നാട അണിയിക്കുകയും ചെയ്തു.

ആശംസകൾ നേർന്നുകൊണ്ട് ഡോ:എം എൻ രാജീവ്, പി കെ ജിഷ, കെ ടി ഹരിദാസ് , ടി രാധിക എന്നിവർ സംസാരിച്ചു. സി എസ് അനിത, എൻ കെ മിനി എന്നിവർ മറുപടി പറഞ്ഞു. കെ വി വൈശാഖ് സ്വാഗതവും വി അപർണ്ണ നന്ദിയും പറഞ്ഞു.