- Advertisement -[the_ad id="14637"]
ഗുരുവായൂർ: കോട്ടപ്പടി സെന്റ്. ലാസേഴ്സ് ദേവാലയത്തിൽ കുടുംബ കൂട്ടായ്മകളുടെ നേതൃത്തിൽ നടന്ന ഓണാഘോഷം നടന്നു.
രാവിലെ 7 മണിയുടെ ദിവ്യബലിക്ക് ശേഷം 29 കൂട്ടായ്മകൾ അണിനിരന്ന ഘോഷയാത്ര അങ്ങാടി ചുറ്റി ദേവാലയത്തിൽ എത്തി.തുടർന്ന് വിവിധ മത്സരങ്ങളുടെ ഉത്ഘാടന കർമ്മം റവ.ഫാ.ജെയ്സൺ അന്തിക്കാട്ട് നിർവഹിച്ചു.
ആഘോഷങ്ങളുടെ ഭാഗമായി തിരുവാതിരകളി, പൂക്കളമത്സരം, തീറ്റ മത്സരം, വടംവലി മത്സരം എന്നിവ നടന്നു. വിജയികൾക്ക് സമ്മാനങ്ങൾ നൽകി.
പ്രസ്തുത ചടങ്ങുകൾക്ക് വികാരി റവ.ഫാ ജോയ് കൊള്ളന്നൂർ. അസി. വി. ഗോഡ്‌വിൻ കിഴക്കൂടൻ, കേന്ദ്ര സമിതി കൺവീനർ ബിജു മുട്ടത്ത്, വിൻസന്റ് എം.എഫ്, ലാസർ വാകയിൽ, ജോൺസൺ ഒലക്കേങ്കിൽ, ട്രസ്റ്റിമാരായ ജിജോ ജോർജ്, സെബാസ്റ്റ്യൻ എം.ജെ, ബേബി ജോൺ ചുക്കത്ത്, എൻ. എം കൊച്ചപ്പൻ, പി.ആർ.ഒ ജോബ് സി ആൻഡ്രൂസ്, എസ്.എൽ. മീഡിയ അംഗങ്ങൾ എന്നിവർ ആഘോഷ പരിപാടികൾക്ക് നേതൃത്വം നൽകി.
