ഗുരുവായൂർ ദേവസ്വത്തിൽ അത്തപൂക്കള മത്സരം നടന്നു.

ഗുരുവായൂർ: ഓണത്തെ വരവേറ്റ് ഗുരുവായൂർ ദേവസ്വം സ്റ്റാഫ് വെൽഫയർ കമ്മറ്റിയുടെ ആഭിമുഖ്യത്തിൽ അത്തപൂക്കള മൽസരം നടത്തി.

തെക്കേ നട ശ്രീ ഗുരുവായൂരപ്പൻ ആഡിറ്റോറിയത്തിലാണ് പൂക്കളം വിരിഞ്ഞത്. വൈവിധ്യമാർന്ന പത്ത് പൂക്കളങ്ങൾ. കാഴ്ചയുടെ സുന്ദരാനുഭവം പകർന്നു ദേവസ്വത്തിലെ പത്ത് സെക്ഷനുകളിലെ ജീവനക്കാരാണ് പൂക്കളം ഒരുക്കിയത്. ദേവസ്വം ചെയർമാൻ ഡോ.വി.കെ വിജയൻ, ഭരണ സമിതി അംഗങ്ങളായ സി മനോജ്, വി ജി രവീന്ദ്രൻ എന്നിവർ പൂക്കളം കാണാനെത്തി. കൗസ്തുഭം റെസ്റ്റ് ഹൗസ്  ജീവനക്കാർ ഒരുക്കിയ പൂക്കളത്തിനാണ് ഒന്നാം സ്ഥാനം. ഇലക്ട്രിക്കൽ വിഭാഗത്തിന് രണ്ടാം സമ്മാനം. മെഡിക്കൽ സെൻ്റർ ജീവനക്കാർ ഒരുക്കിയ പൂക്കളത്തിനാണ് മൂന്നാം സ്ഥാനം.

വിജയികൾക്ക് ദേവസ്വം ചെയർമാൻ ഡോ വി കെ വിജയൻ, അഡ്മിനിസ്ട്രേറ്റർ കെ പി വിനയൻ, ഭരണ സമിതി അംഗം സി മനോജ് എന്നിവർ ഉപഹാരങ്ങൾ നൽകി.