ഗുരുവായൂർ ദേവസ്വത്തിന്റെ രാമായണ മാസാചരണ പരിപാടികൾക്ക് സമാപനം

ഗുരുവായൂർ: ഗുരുവായൂർ ദേവസ്വത്തിന്റെ ആഭിമുഖ്യത്തിൽ നടന്നു വരുന്ന കർക്കിടക മാസാചരണ പരിപാടികൾക്ക് പരിസമാപ്തിയായി.

രാമായണ മാസാചരണത്തിൻ്റെ ഭാഗമായി ദേവസ്വം മതഗ്രന്ഥശാല നടത്തിയ രാമായണ പാരായണം, പ്രശ്നോത്തരി മത്സര വിജയികൾക്ക് ദേവസ്വം ചെയർമാൻ ഡോ വി കെ വിജയൻ സമ്മാനങ്ങൾ നൽകി. ദേവസ്വം അഡ്മിനിസ്ട്രേറ്റർ കെ പി വിനയൻ, ഗ്രന്ഥശാലാ ഉപദേശക സമിതി അംഗങ്ങളായ രാധാകൃഷ്ണൻ കാക്കശ്ശേരി, ഷാജു പുതൂർ, വി പി ഉണ്ണികൃഷ്ണൻ എന്നിവർ സന്നിഹിതരായി.

ദേവസ്വം ചുമർചിത്ര പഠന കേന്ദ്രം നടത്തിയ രാമായണം :കല, ജീവിതം, സംസ്കാരം ത്രിദിന സെമിനാറിനും ഇന്നും സമാപനമായി. സെമിനാറിൽ പങ്കെടുത്ത വിദ്യാർത്ഥികൾക്കെല്ലാം സർട്ടിഫിക്കറ്റുകൾ വിതരണം ചെയ്തു.

ഒരു മാസമായി മേൽപുത്തൂർ ആഡിറ്റോറിയത്തിൽ നടന്നു വന്ന ഭക്തി പ്രഭാഷണത്തിനും സമാപനമായി. സമാപന ഭക്തി പ്രഭാഷണം  ദേവസ്വം ചെയർമാൻ ഡോ വി കെ വിജയൻ നിർവ്വഹിച്ചു.