ഗുരുവായൂർ : ജീവകാരുണ്യ പ്രവർത്തനങ്ങളുടെ ഭാഗമായി ഗുരുവായൂർ എൻ.ആർ ഐ ഫേമിലി യു.എ.ഇ.യും , ഗുരുവായൂർ എൻ.ആർ ഐ അസോസിയേഷനും സംയുക്തമായി നടത്തുന്ന പാലിയേറ്റിവ് പ്രവർത്തനങ്ങൾക്ക് പാലഞ്ചേരി നാരായണൻ ചാരിറ്റബിൾ ട്രസ്റ്റ് നൽകുന്ന പുതിയ ആംബുലൻസിന്റെ ഉൽഘാടനം ആഗസ്റ്റ് 15ന് വൈകീട്ട് 3മണിക്ക് ഗുരുവായൂര് നഗരസഭ ലൈബ്രറി ഹാളില് വെച്ച് ഗുരുവായൂർ എം.എൽ.എ ശ്രീ എൻ.കെ. അക്ബർ നിർവ്വഹിക്കും.
ചടങ്ങിൽ ഗുരുവായൂർ നഗരസഭ ചെയർമാൻ ശ്രീ എം കൃഷ്ണദാസ് താക്കോൽ ഏറ്റുവാങ്ങും. ആശംസകൾ അർപ്പിക്കാനായി ഗുരുവായൂർ നഗരസഭ പ്രതിപക്ഷ നേതാവ് ശ്രീ കെ.പി. ഉദയൻ , കൗൺസിലർ ശോഭ ഹരിനാരായണൻ എന്നിവരും പങ്കെടുക്കും. പത്രസമ്മേളനത്തിൽ ഗുരുവായൂർ എൻ.ആർ ഐ പ്രസിഡന്റ് ശ്രീ ഷാഫിർഅലി മുഹമ്മദ് , എൻ.ആർ.ഐ യു.എ.ഇ ഫാമിലി പ്രസിഡന്റിന് ശ്രീ മുഹമ്മദ് ഷെറിഫ് , അസോസിയേഷൻ ജന.സെക്രട്ടറി ശ്രീ സുമേഷ് കൊളാടി , ട്രഷറർ ശ്രീ പി.കെ ജമാലുദ്ദീൻ , മുൻ പ്രസിഡന്റ് അഭിലാഷ് വി. ച ന്ദ്രൻ , ട്രസ്റ്റ് ഭാരവാഹി ശ്രീ സത്യനാഥ് പി.എൻ എന്നിവർ പങ്കെടുത്തു സംസാരിച്ചു.
