കാലിക്കറ്റ് ഡി സോൺ കലോത്സവം ശനിയാഴച മുതൽ ഗുരുവായൂർ ശ്രീകൃഷ്ണ കോളജിൽ

ഗുരുവായൂർ: ശ്രീകൃഷ്ണ കോളജിൽ കാലിക്കറ്റ് യൂണിവേഴ്സിറ്റി ഡി സോൺ കലോത്സവം റിവേര വോയ്സ് ഓഫ് റസിസ്റ്റൻസിന്’ ശനിയാഴ്ച തുടക്കമായും, ജൂൺ 21 വരെയാണ് കലോത്സവം.

152 ഇനങ്ങളിൽ ജില്ലയിലെ 72 കോളജുകളിൽ നിന്നായി 6000ത്തിലധികം വിദ്യാർഥികളാണ് പങ്കെടുക്കുന്നത്. 7,18 തീയതികളിൽ സ്റ്റേജിതര മത്സരങ്ങളും 19, 20, 21 തീയതികളിൽ വിൻസെന്റ് വാൻഗോഗ്, പാബ്ലോ പിക്കാസോ, എം എഫ് ഹുസൈൻ, ഫ്രിഡ കാഹ് ലോ എന്നീ വേദികളിൽ സ്റ്റേജ് മത്സരങ്ങളും നടത്തും. 19ന് രാവിലെ 10ന് മന്ത്രി കെ രാധാകൃഷ്ണൻ കലോത്സവം ഉദ്ഘാടനം ചെയ്യുന്ന പരിപാടികൾ 21 ന് സമാപിക്കുമെന്ന് കാലിക്കറ്റ് യൂണിവേഴ്സിറ്റി ജില്ലാ എക് സിക്യൂട്ടിവ് അംഗം മൃദുൽ ദേവാനന്ദ്, ജി സത്യൻ, എം എം മേഘ്ന, പി ഡി കൃഷ്ണപ്രസാദ് എന്നിവർ അറിയിച്ചു.