ഗുരുവായൂർ ക്ഷേത്രത്തിൽ വാഹന പൂജ കൗസ്തുഭം കോമ്പൗണ്ടിലെ സർപ്പക്കാവിന് സമീപം

ഗുരുവായൂർ  ക്ഷേത്രം കിഴക്കേ നടയിൽ നടപ്പുരയുടെ നിർമ്മാണ പ്രവൃത്തികൾ നടക്കുന്നതിനാൽ  വാഹനപൂജ സ്ഥലത്തിൽ മാറ്റം. കിഴക്കേനട കൗസ്തുഭം കോമ്പൗണ്ടിലെ സർപ്പക്കാവിൻ്റെ സമീപ സ്ഥലത്താകും ഇനി മുതൽ വാഹന പൂജ നടത്തുക. നടപ്പുര നിർമ്മാണം കഴിയുന്നതുവരെയാണ് ഈ താൽക്കാലിക ക്രമീകരണം.

വാഹന പൂജക്കായി ഭക്തർ ദേവസ്വം കിഴക്കേനട  മൾട്ടി ലെവൽ വാഹന പാർക്കിങ്ങ് സമുച്ചയത്തിന് മുന്നിലെ കൗസ്തുഭം ഗേറ്റ് വഴിയാണ് വാഹനപൂജാ സ്ഥലത്ത്  എത്തേണ്ടത് .വാഹന പൂജയ്ക്കുള്ള കൂപ്പൺ പതിവ് പോലെ കിഴക്കേ നടയിലെ ദേവസ്വം സെക്യുരിറ്റി പോസ്റ്റിൽ നിന്നും വാങ്ങാം. നടപ്പുര നിർമ്മാണം പൂർത്തിയാകുന്നതു വരെ മാത്രമാണ് ഈ താൽക്കാലിക ക്രമീകരണമെന്നും ഭക്തജനങ്ങൾ സഹകരിക്കണമെന്നും ദേവസ്വം ചെയർമാൻ ഡോ വി കെ വിജയനും അഡ്മിനിസ്ട്രേറ്റർ കെ പി വിനയനും അറിയിച്ചു.