ഗുരുവായൂർ: കോട്ടപ്പടി നവജീവൻ റസിഡന്റ്സ് അസോസിയേഷന്റെ പന്ത്രണ്ടാം വാർഷികാഘോഷവും കുടുംബ സംഗമവും മെട്രോ ഹാളിൽ വെച്ച് നടന്നു. പ്രസിഡന്റ് ബാബു വർഗീസിന്റെ അദ്ധ്യക്ഷതയിൽ ചേർന്ന യോഗം ചാവക്കാട് നഗരസഭാ ചെയർപേഴ്സൺ ഷീജ പ്രശാന്ത് ഉൽഘാടനം ചെയ്തു.
ഗുരുവായൂർ ടെമ്പിൾ സർക്കിൾ ഇൻസ്പെക്ടർ പ്രേമാനന്ദകൃഷ്ണൻ മുഖ്യാതിഥിയായി . കൗൺസിലർമാരായ നിഷി പുഷ്പരാജ്, ബിബിത മോഹനൻ, ചാവക്കാട് താലൂക്ക് ലൈബ്രറി കൗൺസിൽ പ്രസിഡന്റ് കെ പി വിനോദ് എന്നിവർ ആശംസകൾ നേർന്നു. വിവിധ മേഖലകളിൽ പ്രാഗൽഭ്യം തെളിയിച്ച പീ വി മോഹൻ കുമാർ (പ്രവാസി രത്ന ), ജെയ്സൺ ഗുരുവായൂർ (കലാരത്ന )
എം വി വിനേഷ് കുമാർ (ഗജ സേവന രത്ന) എന്നിവരെ ആദരിച്ചു.
മെംബേഴ്സ് ഡയറക്ടറിയുടെ പ്രകാശനം ചെയർ പേഴ്സൺ നിർവ്വഹിച്ചു. സെക്രട്ടറി പുഷ്പാകരൻ പി എ സ്വാഗതവും ട്രഷറർ സുരേഷ് ആറ്റൂർ നന്ദിയും പറഞ്ഞു.
ടി പി ജി മേനോൻ, സുരേന്ദ്രൻ എം ആർ, കെ എസ് അരവിന്ദാക്ഷൻ, റഫീഖ് പുളിക്കൽ, മുരളീധരൻ ടി എസ്, റൂബി ലോറൻസ് എന്നിവർ നേതൃത്വം നൽകി.
