ഗുരുവായൂർ: തൃശൂരിൽ നടക്കുന്ന യൂത്ത് കോൺഗ്രസ്‌ സംസ്ഥാന സമ്മേളനത്തിന്റെ ഗുരുവായൂർ മണ്ഡലം സ്വാഗതസംഘ രൂപീകരണ കൺവെൻഷനും, കർണാടകയിലെ സംഘപരിവാർ ശക്തികൾക്കെതിരെയുള്ള ജനാധിപത്യ പോരാട്ടത്തിലെ കോൺഗ്രസിന്റെ മിന്നും വിജയത്തിൽ ആഹ്ലാദം പ്രകടിപ്പിച്ച് മധുരം പങ്കുവെച്ച് വിജയ സദസ്സും സംഘടിപ്പിച്ചു.
കൺവെൻഷൻ ബ്ലോക്ക്‌ കോൺഗ്രസ്‌ വൈസ് പ്രസിഡന്റ് പി കെ രാജേഷ് ബാബു ഉദ്ഘാടനം ചെയ്തു. മണ്ഡലം പ്രസിഡന്റ് രഞ്ജിത്ത് പാലിയത്ത് അധ്യക്ഷത വഹിച്ചു. കെപിസിസി വിചാർ വിഭാഗ് ജില്ലാ സെക്രട്ടറി റെയ്‌മണ്ട് മാസ്റ്റർ മുഖ്യാതിഥിയായി. കോൺഗ്രസ്‌ നേതാവ് മോഹൻദാസ് ചേലനാട്ട്, ബ്ലോക്ക്‌ സെക്രട്ടറി ശിവൻ പാലിയത്ത്, യൂത്ത് കോൺഗ്രസ്‌ നിയോജകമണ്ഡലം പ്രസിഡന്റ് നിഖിൽ ജി കൃഷ്ണൻ, കോൺഗ്രസ്‌ നേതാക്കളായ ടി വി കൃഷ്ണദാസ്, പി കെ ജോർജ്ജ്, ടി കെ ഗോപാലകൃഷ്ണൻ, യൂത്ത് കോൺഗ്രസ്‌ ഭാരവാഹികളായ പി കെ ഷനാജ്, നിജു ഫ്രാൻസിസ്, പി ആർ പ്രകാശൻ, സ്റ്റാൻജൊ സ്റ്റാൻലി, ക്ലീറ്റസ് മാറോക്കി, മനീഷ് നിലമന, നന്ദിനി സുരേഷ്, നീതു സുരേഷ് എന്നിവർ സംസാരിച്ചു.
