പ്രമുഖനായ മലയാള നാടകകൃത്തും ചലച്ചിത്രസംവിധായകനും തിരക്കഥാകൃത്തും, നടനും, എം.ജി.സർവ്വകലാശാലയിലെ സ്കൂൾ ഓഫ് ലെറ്റേഴ്സിലെ അദ്ധ്യാപകനുമായിരുന്ന പി. ബാലചന്ദ്രന്റെ പേരിൽ എർപ്പെടുത്തിയ അവാർഡ് ചലചിത്ര – സീരിയൽ – നാടക സംവിധായകനും, മാടമ്പ് കുഞ്ഞുകുട്ടൻ സുഹൃത് സമിതിയുടെ അദ്ധ്യക്ഷനുമായ എം കെ ദേവരാജന് നൽകി.
പി ബാലചന്ദ്രന്റെ ചരമ വാർഷികത്തോടുനുബന്ധിച്ച് 2023 ഏപ്രിൽ 5ന് വൈകീട്ട് വൈക്കം സത്യാഗ്രഹ സ്മാരക മുൻസിപ്പൽ ഹാളിൽ വെച്ച് നടന്ന പ്രൗഢഗംഭീരമായ ചടങ്ങിൽ വെച്ച് നാടക സംവിധായികയും, വൈക്കം മുൻസിപ്പൽ മുൻ ചെയർമാനുമായ പി ബാലചന്ദ്രന്റെ സഹധർമ്മണി ശ്രീലത ബാലചന്ദ്രൻ അവാർഡ് സമ്മാനിച്ചു.
ചടങ്ങിൽ ചലചിത്ര സംവിധായകരായ ടി.കെ.രാജീവ്കുമാർ, ബി.ഉണ്ണികൃഷണൻ, ചലചിത്ര അക്കാദമി വൈസ് ചെയർമാൻ പ്രേമകുമാർ, നടൻ മുരുകൻ, തൃശ്ശൂർ സ്കൂൾ ഓഫ് ഡ്രാമയിലെ അദ്ധ്യാപകർ എന്നീവർ പങ്കെടുത്തു. തുടർന്ന് പി ബാലചന്ദ്രൻ രചന നിർവ്വഹിച്ച കല്യാണ സൗഗന്ധികം എന്ന നാടകം അവതരിപ്പിച്ചു.
