ഗുരുവായൂർ: ഗുരുവായൂർ ദേവസ്വം മരാമത്ത് വിഭാഗത്തിൽ അസി.എൻജിനീയർ (സിവിൽ – രണ്ടൊഴിവ്), ഫസ്റ്റ് ഗ്രേഡ് ഡ്രാഫ്റ്റ്സ്മാൻ (സിവിൽ – രണ്ടൊഴിവ്), സെക്കൻഡ് ഗ്രേഡ് ഡ്രാഫ്റ്റ് സ്മാൻ (സിവിൽ – 2 ഒഴിവ്) എന്നീ തസ്തികകളിലെ താൽക്കാലിക ഒഴിവ് നികത്തുന്നതിനുള്ള കൂടിക്കാഴ്ച ഏപ്രിൽ 12 ന് രാവിലെ 10 മണിക്ക് ദേവസ്വം ഓഫീസിൽ വെച്ച് നടക്കും. മതിയായ യോഗ്യതയുള്ള ഹിന്ദു മതത്തിൽപ്പെട്ടവർക്ക് പങ്കെടുക്കാം.
സിവിൽ എൻജിനീയറിങ്ങ് ബിരുദമാണ് അസി.എൻജിനീയറുടെ (സിവിൽ) യോഗ്യത. പ്രായം 2023 ജനുവരി ഒന്നിന് 25 നും 36 നും മധ്യേ .സിവിൽ എൻജിനീയറിങ്ങ് ഡിപ്ലോമ നേടിയവർക്ക് ഡ്രാഫ്റ്റ്സ്മാൻ (സിവിൽ ) ഒഴിവിൽ കൂടിക്കാഴ്ചയിൽ പങ്കെടുക്കാം. പ്രായം 2023 ജനുവരി ഒന്നിന് 20 നും 36 നും മധ്യേ . വിശദ വിവരങ്ങൾ ദേവസ്വം വെബ്സൈറ്റിൽ നിന്നും 0487-2556335 Extn.251 എന്ന നമ്പറിൽ നിന്നും ലഭിക്കും. കൂടിക്കാഴ്ചയ്ക്ക് പങ്കെടുക്കുന്ന ഉദ്യോഗാർത്ഥികൾ സർട്ടിഫിക്കറ്റ് പരിശോധനയ്ക്ക് രാവിലെ 9 മണിക്ക് എത്തിച്ചേരേണ്ടതാണ്
