ചാവക്കാട്: തൃശ്ശൂർ അതിരൂപത ഈ വർഷം യുവജന വർഷമായാണ് ആചരിക്കുന്നത്. അതിനോട് അനുബന്ധിച്ചുള്ള പാലയൂർ സെന്റ് തോമസ് മേജർ ആർക്കി എപ്പിസ്കോപ്പൽ തീർത്ഥകേന്ദ്രത്തിൽ വാഹനങ്ങൾ ഉപയോഗിച്ച് യുവജന വർഷ വിളംബര. ജാഥ സംഘടിപ്പിച്ചു.
രാവിലത്തെ ദിവ്യബലിക്കു ശേഷം പാലയൂർ മാർതോമാ മേജർ ആർക്കിഎപ്പിസ്കോപ്പൽ തീർത്ഥകേന്ദ്രം ആർച്ച് പ്രീസ്റ്റ് റവ ഡോ ഡേവിസ് കണ്ണമ്പുഴ പതാക സി എൽ സി, കെ സി വൈ എം പാലയൂർ, ജീസസ് യൂത്ത് പ്രതിനിധികളായ ഷെനിൽ വിൻസെന്റ്, അരുൺ യേശുദാസ്, ജോയൽ സി ജെ എന്നിവർക്ക് പതാക കൈമാറി. പാലയൂർ തീർത്ഥകേന്ദ്രത്തിൽ നിന്ന് ആരംഭിച്ച വിളംബര ജാഥ പാലയൂർ, പാലുവായ്, ഗുരുവായൂർ, മുതുവട്ടൂർ, ചാവക്കാട് എന്നീ കേന്ദ്രങ്ങളിൽ സ്വീകരണങ്ങളിൽ ഏറ്റുവാങ്ങി പാലയൂർ തീർത്ഥകേന്ദ്രത്തിൽ സമാപിച്ചു.
അസി വികാരി ഫാ ആന്റോ രായപ്പൻ, കൈക്കാരൻ ജിന്റോ ചെമ്മണ്ണൂർ, സിന്റോ തോമസ്,മാത്യു ലീജിയൻ, ജോസഫ് വടക്കൂട്ട്,യുവജന പ്രതിനിധി ലിജോ ഫ്രാൻസിസ്, ടിറ്റോ സൈമൺ, ഹെൽവിൻ ജോർജ്, റൊണാൾഡ് സി എ എന്നിവർ നേതൃത്വം നൽകി.
