ഗുരുവായൂർ: ശ്രീ പുന്ന അയ്യപ്പ സുബ്രഹ്മണ്യക്ഷേത്രത്തിൽ നിർമ്മിക്കുന്ന ഭദ്രകാളീശ്വരീ ക്ഷേത്രത്തിന് ഗുരുവായൂർ ക്ഷേത്രം മുഖ്യ തന്ത്രിയും പുന്ന അയ്യപ്പ സുബ്രഹ്മണ്യക്ഷേത്ര തന്ത്രിയുമായ ഡോ:ബ്രഹ്മശ്രീ ചേന്നാസ് ദിനേശൻ നമ്പൂതിരിപ്പാട് ശിലാസ്ഥാപനം നടത്തി.
ക്ഷേത്ര ട്രസ്റ്റ് പ്രസിഡണ്ട് പി യതീന്ദ്രദാസിൻ്റെ അദ്ധ്യക്ഷതയിൽ ചേർന്ന യോഗത്തിൽ ഇഭണ്ഡാരത്തിൻ്റെ ഉദ്ഘാടനം സൗത്ത് ഇൻഡ്യൻ ബാങ്ക് ചാവക്കാട് ബ്രാഞ്ച് സീനിയർ മാനേജർ അർജുൻ കെടിഎമ്മും, പുതിയതായി ആരംഭിക്കുന്ന ₹1000 ചലഞ്ച് മമ്മിയൂർ പാലിയത്ത് വസുമതി അമ്മയിൽ നിന്ന് ആദ്യ തുക സ്വീകരിച്ച് തന്ത്രി ചേന്നാസ് ദിനേശൻ നമ്പൂതിരിപ്പാടും ഉദ്ഘാടനം ചെയ്തു.
മോഹൻദാസ് ചേലനാട് രാധാകൃഷ്ണൻ, മാസ്റ്റർ കാക്കശ്ശേരി ആചാര്യ സിപി നായർ, ഐ.പി.രാമചന്ദ്രൻ ട്രസ്റ്റ് ഭാരവാഹികളായ ഇവി ശശി വി.പ്രേംകുമാർ, വിഎ.സിദ്ധാർത്ഥൻ, പി.സി.വേലായുധൻ, സികെ.ബാലകൃഷ്ണൻ എം.കെ.സിന്ധാർത്ഥൻ, വിസി.ജിമീഷ്, എംടി.ബാബു കെ.ശ്രീധരൻ നായർ എന്നീ വർ സംസാരിച്ചു. മാളികപ്പുറത്തമ്മ വനിത കമ്മറ്റിയുടേയും നാരായണീയ പാരായണ സമിതിയുടേയും ആഭിമുഖ്യത്തിൽ നാമജപവും ലളിത സഹസ്രനാമവും ഉണ്ടായി.
