മലപ്പുറത്ത് 60 അടി താഴ്ചയുള്ള കിണറ്റിലെ വെള്ളവും , 16 റിങ്ങുകളും താഴ്ന്നുപോയി

മലപ്പുറം : 60 അടി താഴ്ചയുള്ള കിണറ്റിലെ വെള്ളവും 16 റിങ്ങുകളും താഴ്ന്നുപോയി. മഞ്ചേരി ∙പയ്യനാട് കുട്ടിപ്പാറയിൽ പഴൂക്കര വിജയന്റെ വീടിനു സമീപത്തെ കിണറ്റിലെ വെള്ളവും റിങ്ങുകളുമാണ് അപ്രത്യക്ഷമായത്. വെള്ളത്തിന്റെ മണ്ണ് നിറഞ്ഞനിലയിലാണ്. കഴിഞ്ഞ ദിവസം രാവിലെ വെള്ളമെടുക്കാൻ നോക്കിയപ്പോഴാണ് വെള്ളവും റിങ്ങുകളും കാണാതായത് കണ്ടത്.

കിണറ്റിൽ ഒരു മീറ്റർ താഴ്ചയിൽ വെള്ളം ഉണ്ടായിരുന്നു. വെള്ളം പമ്പ് ചെയ്തിരുന്ന മോട്ടർ ഭൂമിക്കടിയിൽപെട്ടു. ഏകദേശം 30 വർഷം പഴക്കമുള്ള ഏതു വേനലിലും വറ്റാത്ത കിണർ ആണിത് . ജല അതോറിറ്റിയുടെ പൈപ്പ് വെള്ളത്തെയാണ് നിലവിൽ വീട്ടുകാർ ആശ്രയിക്കുന്നത്. റവന്യു വകുപ്പ് അധികൃതർ സ്ഥലം പരിശോധിച്ചു. ജിയോളജി വിഭാഗത്തിനും റിപ്പോർട്ട് ചെയ്തിട്ടുണ്ട്.