തൃശൂർ: തൃശൂർ ലോക്സഭാ മണ്ഡലത്തിൽ വൻ ലീഡ് പിടിച്ച് എൻഡിഎ സ്ഥാനാർഥി സുരേഷ് ഗോപി. തെരഞ്ഞെടുപ്പ് കമ്മീഷൻ നിലവിൽ പുറത്തുവിടുന്ന കണക്കുപ്രകാരം, 30000ത്തിലധികം വോട്ടുകൾക്കാണ് സുരേഷ് ഗോപി ലീഡ് ചെയ്യുന്നത്. എൽഡിഎഫ് സ്ഥാനാർഥി വിഎസ് സുനിൽ കുമാർ ആണ് രണ്ടാമത്. അതേസമയം യുഡിഎഫിൻ്റെ സിറ്റിങ് സീറ്റിൽ സ്ഥാനാർഥിയായ കെ മുരളീധരൻ മൂന്നാംസ്ഥാനത്തേക്ക് പിന്തള്ളപ്പെട്ടു.
സുരേഷ് ഗോപിക്ക് 1,16,095 വോട്ടുകളാണ് ലഭിച്ചിരിക്കുന്നത്. സുനിൽ കുമാറിന് 93793 വോട്ടകളും. കെ മുരളീധരന് ഇതുവരെ 82970 വോട്ടുകളാണ് നേടാനായത്. 2019ൽ 93,633 വോട്ടുകളുടെ ഭൂരിപക്ഷത്തിലായിരുന്നു യുഡിഎഫ് സ്ഥാനാർഥി ടിഎൻ പ്രതാപൻ്റെ വിജയം. ടിഎൻ പ്രതാപൻ 415,089 വോട്ടുകൾ പിടിച്ചപ്പോൾ എൽഡിഎഫിൻ്റെ രാജാജി മാത്യു തോമസിന് 321,456 വോട്ടുകളാണ് നേടാനായത്. എൻഡിഎ സ്ഥാനാർഥി സുരേഷ് ഗോപിക്ക് 293,822 വോട്ടുകളായിരുന്നു ലഭിച്ചത്.
