ഗുരുവായൂർ: പുണ്യ പ്രസിദ്ധമായ ഗുരുവായൂർ ഏകാദശി ദിനത്തിൽ ശ്രീ ഗുരുവായൂരപ്പനെ കണ്ട് ദർശന സൗഭാഗ്യം നേടിയതിൻ്റെ നിറവിൽ ആയിരങ്ങൾ ദ്വാദശിപ്പണം സമർപ്പിച്ചു.
- Advertisement -
നാവിലും മനസിലും നാമജപങ്ങളുമായി ക്ഷേത്രസന്നിധിയിൽ കഴിഞ്ഞ ഭക്തർ പുലർച്ചെ കുളിച്ചു ശുദ്ധിയായാണ് കൂത്തമ്പലത്തിൽ ദ്വാദശി പണം സമർപ്പിച്ചത്. ദേവസ്വം ചെയർമാൻ ഡോ.വി.കെ.വിജയനും ദേവസ്വം ഭരണസമിതി അംഗങ്ങളും ആദ്യം ദ്വാദശി പണ സമർപ്പണം നിർവ്വഹിച്ചു. . വൈകുന്നേരം 3.30 ന് ക്ഷേത്രനട തുറന്നാൽ പതിവ് ദർശനം തുടരും
വ്യാഴാഴ്ച രാത്രി പതിനായിരത്തിലേറെ ചുറ്റുവിളക്കുകളിൽ നറുനെയ് ദീപം തെളിയിച്ചതോടെ ഭക്തി പ്രഭാ വലയത്തിലായിരുന്നു ഗുരുപവനപുരി .
