ഗുരുവായൂർ::ഗുരുവായൂർ റെയിൽവേ മേൽപ്പാലത്തിന്റെ സൂപ്പർ സ്ട്രക്ചർ നിർമാണവുമായി ബന്ധപ്പെട്ട് ഗർഡറുകൾ ജൂൺ 25നും 30നും ഇടയിൽ ഗുരുവായൂർ എത്തിക്കുമെന്നും ജൂലൈ ആദ്യവാരം ഗർഡറുകൾ സ്ഥാപിക്കുമെന്നും ഗുരുവായൂർ എം എൽ എ എൻ കെ അക്ബറുമായുള്ള കൂടികാഴ്ച്ചയിൽ ദക്ഷിണ റെയിൽവേ ഡിവിഷണൽ മാനേജർ സച്ചിന്ദർ മോഹൻ ശർമ്മ അറിയിച്ചു.
നിലവിൽ ഗർഡറുകളുടെ നിർമാണം ട്രിച്ചിയിൽ പൂർത്തീകരിച്ചിട്ടുണ്ട് എന്നും RDSO ഇൻസ്‌പെക്ഷൻ നടന്നു കൊണ്ടിരിക്കുകയാണെന്നും ഈ മാസം അവസാനം തന്നെ ഗർഡറുകൾ എത്തിക്കുമെന്നും അദ്ദേഹം ഉറപ്പ് നൽകിയതായി എം.എൽ.എ പറഞ്ഞു.
നിർമാണവുമായി ബന്ധപ്പെട്ട തടസങ്ങൾ നീക്കണമെന്നും വേഗത്തിൽ തന്നെ നിർമാണം പൂർത്തീകരിക്കുന്നതിനു വേണ്ട നടപടികൾ റെയിൽവേയുടെ ഭാഗത്തുനിന്നും ഉണ്ടാവണമെന്നും കേന്ദ്ര റെയിൽവേ മന്ത്രിയോട് ആവശ്യപ്പെടുന്നതിനായി രാജ്യസഭ എം പി എളമരം കരീമിനും എൻ കെ അക്ബർ എം എൽ എ കത്ത് നൽകി.
