ഗുരുവായൂർ: ഗുരുവായൂർ ദേവസ്വം മെഡിക്കൽ സെൻ്ററിൽ ഒഴിവുള്ള സ്റ്റാഫ് നഴ്സ് ഗ്രേഡ് 1 (കേഡർ സ്ട്ങ്ങ്ത്) ,ഹോസ്പിറ്റൽ അറ്റൻഡൻ്റ് ഗ്രേഡ് 1 ( കേഡർ സ്ട്ങ്ങ്ത്) എന്നീ തസ്തികകളിലേക്ക് താൽക്കാലിക നിയമനം നടത്തുന്നതിനുള്ള കൂടിക്കാഴ്ച ജൂൺ 13 ചൊവ്വാഴ്ച ദേവസ്വം ഓഫീസിൽ വെച്ച് നടത്തും.
യോഗ്യരായ ഹിന്ദു മതത്തിൽപ്പെട്ട ഉദ്യോഗാർത്ഥികൾക്ക് പങ്കെടുക്കാം. എസ്എസ്എൽസിയും മൂന്നുവർഷത്തിൽ കുറയാത്ത ജനറൽ നഴ്സിങ്ങ് പരിശീലനവും കേരള നഴ്സസ് ആൻറ് മിഡ് വൈഫ്സ് കൗൺസിൽ രജിസ്ട്രേഷനും ആണ് സ്റ്റാഫ് നേഴ്സ് ഗ്രേഡ് I യോഗ്യത. ഒരൊഴിവാണുള്ളത്. രാവിലെ 11 മണിക്ക് ആണ് കൂടിക്കാഴ്ച. ഹോസ്പിറ്റൽ അറ്റൻഡൻ്റിൻ്റെ യോഗ്യത ഏഴാം ക്ലാസ് വിജയവും രണ്ടു വർഷത്തെ പ്രവൃത്തി പരിചയവും . 2 ഒഴിവുണ്ട്. ഉച്ചയ്ക്ക് 2 മണിക്കാണ് കൂടിക്കാഴ്ച. രണ്ടു തസ്തികകളിലേക്കുമുള്ള കൂടിക്കാഴ്ചയ്ക്കായി ഉദ്യോഗാർത്ഥികൾ ഒരു മണിക്കൂർ നേരത്തെ ഓഫീസിലെത്തണം. സർട്ടിഫിക്കറ്റ് പരിശോധനയ്ക്കാണിത്. 179 ദിവസത്തേക്കാണ് നിയമനം. പ്രായപരിധി 2023ജനുവരി ഒന്നിന് 18- 36.
ബയോഡാറ്റയ്ക്കൊപ്പം ജാതി, വയസ്സ്, യോഗ്യത, പ്രവൃത്തി പരിചയം, തിരിച്ചറിയൽ രേഖ എന്നിവയുടെ അസലും പകർപ്പും സഹിതം ഹാജരാകണം. സംവരണ വിഭാഗത്തിന് നിയമാനുസൃത വയസിളവ് ഉണ്ടാകും. വിശദ വിവരങ്ങൾ ദേവസ്വം വെബ്സൈറ്റിലുണ്ട്. വിവരങ്ങൾക്ക് ഈ നമ്പറിൽ 0487-2556335 Extn-251 വിളിക്കാവുന്നതാണ്
