“മഹാത്മാവിന് അർപ്പണമായി സദ്ഭാവന സദസ്സ്”
ഗുരുവായൂർ: “തന്റെ ജീവിതം തന്നെയാണ് തന്റെ സന്ദേശം” എന്ന മഹാത്മാഗാന്ധിയുടെ മഹത്വവാക്യം ആവർത്തിച്ചുകൊണ്ട്, അദ്ദേഹത്തിന്റെ 156-ാമത് ജയന്തി ദിനത്തിൽ ഗുരുവായൂർ മണ്ഡലം കോൺഗ്രസ്സ് കമ്മിറ്റിയുടെ നേതൃത്വത്തിൽ കിഴക്കെനടയിൽ ഗാന്ധിജിയുടെ പ്രതിമയ്ക്ക് സമീപം സദ്ഭാവന സദസ്സ് സംഘടിപ്പിച്ചു.
പ്രചോദനകരമായ പ്രഭാഷണങ്ങളും, പ്രതിജ്ഞകളും നിറഞ്ഞ പരിപാടിക്ക് നഗരസഭ പ്രതിപക്ഷ നേതാവ് കെ.പി. ഉദയൻ ഉദ്ഘാടനം നൽകി. മണ്ഡലം പ്രസിഡണ്ട് ഒ.കെ.ആർ. മണികണ്ഠൻ അധ്യക്ഷനായി. പ്രമുഖ നേതാക്കളായ
ടി.എൻ. മുരളി, ബാലൻ വാറണാട്ട്, സി.എസ്. സൂരജ്, കെ.പി.എ. റഷീദ്, രേണുകാ ശങ്കർ, സ്റ്റീഫൻ ജോസ്, ശിവൻ പാലിയത്ത്, ഹരി എം. വാരിയർ, വി.എസ്. നവനീത്, ടി.ജെ. റെയ്മണ്ട്, എം.ബി. രാജലക്ഷ്മി, പ്രിയാ രാജേന്ദ്രൻ, അസ്കർ കൊളംബോ തുടങ്ങിയവർ സംസാരിച്ചു.
? പരിപാടിക്ക് പ്രാർത്ഥനാപൂർവം തുടക്കം
സദസ്സ് ഗാന്ധിജി പ്രതിമയിലേക്കുള്ള പുഷ്പാർച്ചനയോടെ പ്രാർത്ഥനാപൂർവം ആരംഭിച്ചു. നേതാക്കളായ ശശി വല്ലാശ്ശേരി, ഒ.പി. ജോൺസൺ, വി.കെ. ഷൈമൽ, ജവഹർ മുഹമ്മദുണ്ണി, മിഥുൻ പൂക്കൈതക്കൽ, ഫിറോസ് പുത്തംപള്ളി, കോങ്ങാട്ടിൽ വിശ്വനാഥൻ, മേഴ്സി ജോയ്, അഷറഫ് കൊളാടി, ഷാജൻ വെള്ളറ, പ്രേംജി മേനോൻ, രാജു കൂടത്തിങ്ങൽ, വി.എം. മൊയ്തുണ്ണി ഹാജി, കെ. അരവിന്ദാശ മേനോൻ, സി. ശിവശങ്കരൻ, എം.എം. പ്രകാശൻ, വി. ബാലകൃഷ്ണൻ നായർ, ശങ്കരനുണ്ണി എന്നിവർ നേതൃത്വം നൽകി.
