ഇതും വായിക്കുക 1199 മിഥുന മാസഫലം ഒന്നാം ഭാഗം
1199 മിഥുന മാസഫലം; (2024 ജൂൺ 15 മുതൽ 2024 ജൂലൈ 15 വരെ) നിങ്ങൾക്കെങ്ങനെ (ഭാഗം 1 -മേടം രാശി മുതൽ കർക്കിടകം രാശി വരെ)
ചിങ്ങം രാശി: (മകം, പൂരം, ഉത്രം ആദ്യ 1/4 ഭാഗം)
ലാഭസ്ഥാനത്തുള്ള ബുധനും ശുക്രനും ഈ മാസം ജനിക്കുന്ന കുഞ്ഞുങ്ങൾക്ക് കലയിലും വിദ്യയിലും അസാധാരണമായ കഴിവുകളും ഉയർന്ന നിലവാരവും പ്രദാനം ചെയ്യും. അവരുടെ ജീവിതം സമൃദ്ധവും വിജയകരവുമാകാൻ സാധ്യതയുണ്ട്.
വിദേശത്തേക്ക് ഉന്നത വിദ്യാഭ്യാസത്തിനും ജോലിക്കുമുള്ള അവസരങ്ങൾ തേടുന്നവർക്ക് ഈ മാസം അനുകൂലമായ സമയമായിരിക്കും. പഠനത്തിനായി ശ്രമിച്ചവർക്ക് മികച്ച സ്‌കോളർഷിപ്പുകളും സാമ്പത്തിക സഹായങ്ങളും ലഭിക്കാനുള്ള സാധ്യതയുണ്ട്. തൊഴിൽ മേഖലയിൽ നിലവിലുള്ളവർക്ക് വിദേശ രാജ്യങ്ങളിലെ കമ്പനികളിൽ നിന്ന് ആകർഷകമായ ഓഫറുകൾ ലഭിക്കാനും സാധ്യതയുണ്ട്.
കുടുംബത്തിൽ മംഗളകരമായ കർമ്മങ്ങൾ നടക്കുന്നതിനും കുടുംബാംഗങ്ങൾ ഒരുമിച്ച് തീർത്ഥാടനത്തിനോ വിനോദയാത്രയ്‌ക്കോ പോകുന്നതിനുമുള്ള സാഹചര്യങ്ങൾ വന്നുചേരും. ഇത് കുടുംബബന്ധങ്ങൾ ശക്തിപ്പെടുത്തുന്നതിനും പരസ്പര സ്‌നേഹവും പിന്തുണയും വർദ്ധിപ്പിക്കുന്നതിനും സഹായകമാകും.
വ്യാപാര മേഖലയിൽ സാമ്പത്തികമായി പുത്തൻ അവസരങ്ങൾ വന്നു ചേരുന്നതിനാൽ വ്യാപാരികൾക്കും സംരംഭകർക്കും ഈ മാസം അനുകൂലമായിരിക്കും. പുതിയ ബിസിനസ് സംരംഭങ്ങൾ ആരംഭിക്കുന്നതിനും നിലവിലുള്ള ബിസിനസ് വിപുലീകരിക്കുന്നതിനും ഈ സമയം അനുയോജ്യമാണ്.
ഭക്ഷണ സുഖം, കുടുംബ സുഖം, രോഗശാന്തി, മനഃസുഖം, വാഹന ഭാഗ്യം, ആഭരണങ്ങൾ പോലുള്ള വിലപിടിപ്പുള്ള വസ്തുക്കളുടെ വർദ്ധനവ് എന്നിവയും ഈ കാലയളവിൽ പ്രതീക്ഷിക്കാം. സർക്കാർ അല്ലെങ്കിൽ അർദ്ധ സർക്കാർ സ്ഥാപനങ്ങളിൽ ജോലി ചെയ്യുന്നവർക്ക് സ്ഥാനക്കയറ്റം ലഭിക്കാനുള്ള സാധ്യതയുണ്ട്.
ഈ മാസം തുടങ്ങി വെയ്‌ക്കുന്ന പ്രവർത്തനങ്ങൾ ലാഭത്തിൽ കലാശിക്കും. സർക്കാർ സംബന്ധമായ വായ്പകൾക്കും മറ്റ് ആനുകൂല്യങ്ങൾക്കും അപേക്ഷിച്ചവർക്ക് അനുമതി ലഭിക്കും. ആരോഗ്യമേഖലയിൽ പ്രവർത്തിക്കുന്നവർക്കും അഭിഭാഷകർക്കും തങ്ങളുടെ മികവ് തെളിയിക്കാനും അംഗീകാരം നേടാനും കഴിയും. യന്ത്രസാമഗ്രികൾ, സാങ്കേതികവിദ്യ എന്നിവയുമായി ബന്ധപ്പെട്ട ബിസിനസുകൾക്ക് പുരോഗതി പ്രതീക്ഷിക്കാം.
മിഥുന മാസത്തിൽ മകം നക്ഷത്രക്കാരുടെ നാൾ വരുന്ന ജൂലായ് 10 (ബുധനാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 1 (തിങ്കളാഴ്ച), ജൂൺ 22 (ശനിയാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ പൂരം നക്ഷത്രക്കാരുടെ നാൾ വരുന്ന ജൂലായ് 11 (വ്യാഴാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 1 (തിങ്കളാഴ്ച), ജൂൺ 23 (ഞായറാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ ഉത്രം നക്ഷത്രക്കാരുടെ നാൾ വരുന്ന ജൂലായ് 12 (വെള്ളിയാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 2 (ചൊവ്വാഴ്ച), ജൂൺ 24 (തിങ്കളാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
കന്നി രാശി: (ഉത്രം അവസാന 3/4 ഭാഗം, അത്തം, ചിത്തിര ആദ്യ 1/2 ഭാഗം)
കന്നി രാശിക്കാർക്ക് ഈ മാസം കേതുവിന്റെയും ചന്ദ്രന്റെയും സാന്നിദ്ധ്യം ചില വെല്ലുവിളികൾ ഉയർത്തും. അപ്രതീക്ഷിതമായ വീഴ്ചകളോ ചെറിയ പരിക്കുകളോ ഉണ്ടായേക്കാം. ആരോഗ്യകാര്യങ്ങളിൽ കൂടുതൽ ശ്രദ്ധ പുലർത്തേണ്ടതുണ്ട്. എന്നാൽ, വിദ്യാഭ്യാസത്തിലും വിദേശ തൊഴിലവസരങ്ങളിലും വിജയം കൈവരിക്കാൻ സാധിക്കും. പഠനത്തിൽ ശ്രദ്ധ കേന്ദ്രീകരിക്കുന്നത് മികച്ച ഫലങ്ങൾ നൽകും. വിദേശത്തുള്ള തൊഴിലവസരങ്ങൾ തേടുന്നവർക്ക് അനുകൂലമായ സമയമാണിത്.
മിഥുന മാസം വിദ്യാർത്ഥികൾക്ക് പഠനത്തിൽ മികച്ച നേട്ടങ്ങൾ കൈവരിക്കാനും ഉപരിപഠനത്തിനുള്ള അവസരങ്ങൾ ലഭിക്കാനും സാധ്യതയുണ്ട്. സ്കോളർഷിപ്പുകൾ, ഗവേഷണ പദ്ധതികൾ, അല്ലെങ്കിൽ വിദേശ സർവകലാശാലകളിൽ നിന്നുള്ള അഡ്മിഷൻ എന്നിവ പോലുള്ള സാധ്യതകൾ തുറന്നുകിടക്കുന്നു.
ധനപരമായ നേട്ടങ്ങൾ, ബിസിനസ്സിലെ പുരോഗതി, കുടുംബത്തിലെ സന്തോഷം, പുതിയ വീട് വാങ്ങാനുള്ള യോഗം, തൊഴിൽ മേഖലയിലെ വിജയം, വിദേശവാസം, ദാമ്പത്യ ഐക്യം, വിവാഹം, ആഭരണങ്ങൾ സ്വന്തമാക്കൽ, കീർത്തി, ബന്ധുക്കളുടെ സ്നേഹം, നിയമപരമായ തർക്കങ്ങളിലെ വിജയം എന്നിവയും ഈ മാസം പ്രതീക്ഷിക്കാവുന്ന നേട്ടങ്ങളിൽ പെടുന്നു.
സർക്കാർ തലത്തിൽ നടന്ന പരീക്ഷകളിൽ പങ്കെടുത്തവർക്ക് ഈ മാസം അനുകൂലമായ ഫലങ്ങൾ പ്രതീക്ഷിക്കാം. കാത്തിരുന്ന നിയമന ഉത്തരവുകൾ ലഭിക്കാനും സർക്കാർ സേവനത്തിലേക്ക് പ്രവേശിക്കാനുമുള്ള സാധ്യതയുണ്ട്. കുടുംബത്തിൽ സാമ്പത്തിക അഭിവൃദ്ധിയും സന്തോഷവും വർധിക്കും. ബന്ധുജനങ്ങളുമായി നിലനിന്നിരുന്ന അഭിപ്രായ വ്യത്യാസങ്ങൾക്ക് പരിഹാരം കണ്ടെത്താനും സ്വരച്ചേർച്ചയോടെ മുന്നോട്ട് പോകാനുമുള്ള അവസരങ്ങൾ വന്നുചേരും.
കലാ രംഗത്ത് പ്രവർത്തിക്കുന്നവർക്ക് അവരുടെ കഴിവുകൾ പ്രകടിപ്പിക്കുന്നതിനും അംഗീകാരം നേടുന്നതിനും മികച്ച അവസരങ്ങൾ ലഭിക്കും. പൊതുവേ, മനസ്സിൽ വിചാരിക്കുന്ന കാര്യങ്ങൾ സഫലമാകുന്ന സമയമാണിത്. യുക്തി ചിന്ത പരീക്ഷിക്കാതെ ന്യായമായ കാര്യങ്ങൾ മനസ്സിൽ സങ്കല്പിച്ചു നേടിയെടുക്കാൻ ശ്രമിക്കുക. പിതൃസ്വത്ത് ലഭിക്കുകയോ കുടുംബപരമായി സ്വത്തുക്കൾ വീതിക്കുകയോ ചെയ്തേക്കാം.
അഭിഭാഷകർ, പത്രപ്രവർത്തകർ തുടങ്ങിയ മേഖലകളിൽ പ്രവർത്തിക്കുന്നവർക്ക് അവരുടെ കഴിവുകൾ തെളിയിക്കാനും പ്രശസ്തി നേടാനും അവസരം ലഭിക്കും. ഈ കാലഘട്ടം പുതിയ സംരംഭങ്ങൾ ആരംഭിക്കുന്നതിനും, നിലവിലുള്ള ബിസിനസ് വിപുലീകരിക്കുന്നതിനും അനുകൂലമാണ്.
മിഥുന മാസത്തിൽ ഉത്രം നക്ഷത്രക്കാരുടെ നാൾ വരുന്ന ജൂലായ് 12 (വെള്ളിയാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 2 (ചൊവ്വാഴ്ച), ജൂൺ 24 (തിങ്കളാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ അത്തം നക്ഷത്രക്കാരുടെ നാൾ വരുന്ന ജൂലായ് 13 (ശനിയാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 3 (ബുധനാഴ്ച), ജൂൺ 25 (ചൊവ്വാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ ചിത്തിര നക്ഷത്രക്കാരുടെ നാൾ വരുന്ന ജൂലായ് 14 (ഞായറാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 4 (വ്യാഴാഴ്ച), ജൂൺ 26 (ബുധനാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
തുലാം രാശി: (ചിത്തിര അവസാന 1/2 ഭാഗം, ചോതി, വിശാഖും ആദ്യ 3/4 ഭാഗം)
ജാതകത്തിൽ ബുധൻ ഭാഗ്യസ്ഥാനത്ത് വരുന്നത് വഴി നിങ്ങൾക്ക് സന്തോഷകരമായ ഒരു കാലഘട്ടമായിരിക്കും ഇത്. നല്ല സുഹൃത്തുക്കളെ ലഭിക്കും, വിദ്യാഭ്യാസത്തിൽ മികവ് പുലർത്താനും കഴിയും. കൂടാതെ, സന്താനങ്ങളുടെ കാര്യത്തിലും അനുകൂലമായ സമയമാണ്. അവരുടെ ആരോഗ്യം മെച്ചപ്പെടുകയും അവരിലൂടെ നിങ്ങൾക്ക് ഗുണാനുഭവങ്ങൾ ഉണ്ടാവുകയും ചെയ്യും.
ഈ മാസം ആത്മീയ ചിന്തകൾക്കും പുണ്യകർമ്മങ്ങൾക്കും പ്രാധാന്യം കൈവരും. പുണ്യസ്ഥലങ്ങളിലേക്കുള്ള തീർത്ഥയാത്രകൾക്കും മറ്റും അവസരങ്ങൾ വന്നുചേരും. എന്നാൽ, അമിതമായ കോപവും വൈകാരിക പ്രകടനങ്ങളും പ്രശ്നങ്ങൾ സൃഷ്ടിച്ചേക്കാം. സംയമനം പാലിക്കുകയും ക്ഷമ കൈവിടാതിരിക്കുകയും ചെയ്യേണ്ടത് അത്യാവശ്യമാണ്.
ബന്ധുക്കളുടെയോ ജീവിതപങ്കാളിയുടെയോ വിയോഗം പോലുള്ള വേർപാടുകൾ ഉണ്ടാകാനും അതിന്റെ ഫലമായി ബലികർമ്മങ്ങൾ അനുഷ്ഠിക്കേണ്ടി വരാനും സാധ്യതയുണ്ട്. അനാവശ്യ കൂട്ടുകെട്ടുകളിൽ നിന്ന് അകന്നു നിൽക്കുന്നതാണ് നല്ലത്, അവ മാനഹാനിക്കും സാമ്പത്തിക നഷ്ടത്തിനും കാരണമായേക്കാം. മാതാപിതാക്കളുടെ ആരോഗ്യസ്ഥിതിയിൽ അൽപം ശ്രദ്ധ ചെലുത്തേണ്ടി വന്നേക്കാം. വരവിൽ കവിഞ്ഞ ചെലവ്, സാമ്പത്തിക തർക്കങ്ങൾ എന്നിവയും ഉണ്ടാകാനിടയുണ്ട്.
രാത്രികാലങ്ങളിൽ യാത്രകൾ ഒഴിവാക്കുന്നതാണ് നല്ലത്. സർപ്പഭയം, അപകടങ്ങൾ എന്നിവ ഉണ്ടാകാനുള്ള സാധ്യത തള്ളിക്കളയാനാവില്ല. ചില സാഹചര്യങ്ങളിൽ അന്യരുടെ സഹായം തേടേണ്ടതായും വന്നേക്കാം. ദൂരയാത്രകൾ ആവശ്യമായി വന്നേക്കാമെങ്കിലും അവ ക്ലേശകരമാകാനുള്ള സാധ്യതയും കാണുന്നു.
എന്നാൽ, കല, സാഹിത്യം, സംഗീതം തുടങ്ങിയ മേഖലകളിൽ പ്രവർത്തിക്കുന്നവർക്ക് പുതിയ അവസരങ്ങൾ തുറന്നുകിട്ടും. അവരുടെ കഴിവുകൾ അംഗീകരിക്കപ്പെടുകയും പ്രോത്സാഹനം ലഭിക്കുകയും ചെയ്യും. ആരോഗ്യ കാര്യങ്ങളിൽ കൂടുതൽ ശ്രദ്ധയും കരുതലും ആവശ്യമാണ്. രാഷ്‌ട്രീയ മേഖലയിൽ പ്രവർത്തിക്കുന്നവർക്ക് സഹപ്രവർത്തകരുടെ ഇടപെടൽ കാരണം അപവാദങ്ങൾ നേരിടേണ്ടി വന്നേക്കാം. സോഷ്യൽ മീഡിയയിൽ സജീവമായി പ്രവർത്തിക്കുന്നവർക്ക് സംഭവബഹുലമായ ഒരു മാസമായിരിക്കും ഇത്.
മിഥുന മാസത്തിൽ ചിത്തിര നക്ഷത്രക്കാരുടെ നാൾ വരുന്ന ജൂലായ് 14 (ഞായറാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 4 (വ്യാഴാഴ്ച), ജൂൺ 26 (ബുധനാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ ചോതി നക്ഷത്രക്കാരുടെ നാൾ വരുന്ന ജൂലായ് 15 (തിങ്കളാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 5 (വെള്ളിയാഴ്ച), ജൂൺ 27 (വ്യാഴാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ വിശാഖം നക്ഷത്രക്കാരുടെ നാൾ വരുന്ന ജൂൺ 19 (ബുധനാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 6 (ശനിയാഴ്ച), ജൂൺ 28 (വെള്ളിയാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
വൃശ്ചികം രാശി: (വിശാഖം അവസാന 1/4 ഭാഗം, അനിഴം, തൃക്കേട്ട)
ഈ മാസം ചൊവ്വയും ശുക്രനും നിങ്ങളുടെ രാശിയിൽ ഒന്നിക്കുന്നത് ചിട്ടി, ലോട്ടറി, ഊഹക്കച്ചവടം എന്നിവയിൽ നിന്ന് വൻ ലാഭം നേടാനുള്ള സാധ്യത വർധിപ്പിക്കുന്നു. ഭാഗ്യം നിങ്ങളെ തുണയ്‌ക്കുന്നതിനാൽ ഈ അവസരങ്ങൾ മുതലെടുക്കുന്നത് നന്നായിരിക്കും.
മിഥുന മാസത്തിൽ സാഹസിക പ്രവർത്തനങ്ങളിൽ താൽപര്യം വർദ്ധിക്കുന്ന ഒരു സമയമാണിത്. പുതിയ സ്ഥലങ്ങൾ സന്ദർശിക്കാനും പുതിയ കാര്യങ്ങൾ പഠിക്കാനും താൽപര്യം തോന്നും. പരോപകാരത്തിൽ താൽപര്യം വർദ്ധിക്കുകയും സാമൂഹ്യ പ്രവർത്തനങ്ങളിൽ സജീവമായി പങ്കെടുക്കുകയും ചെയ്യും.
സ്വദേശത്തും വിദേശത്തും തൊഴിൽ മേഖലയിൽ വിജയം കൈവരിക്കാനുള്ള അവസരങ്ങൾ ഈ സമയം നിങ്ങളെ തേടിയെത്തും. വിദേശത്ത് സ്ഥിരതാമസമാക്കാനും സാധ്യതയുണ്ട്.
ജാതകത്തിൽ എട്ടാം ഭാവത്തിൽ ബുധൻ സ്ഥിതിചെയ്യുന്ന ‘ചിലർക്ക്’ അപ്രതീക്ഷിതമായ ഉയർച്ചയും അംഗീകാരവും ലഭിക്കും. സമൂഹത്തിൽ അവരുടെ സാന്നിധ്യം ശക്തമാകുകയും ചെയ്യും. ഇവർ വളരെ സ്വീകാര്യമായ തരത്തിൽ പ്രസിദ്ധി നേടും.
സാഹിത്യരംഗത്ത് പ്രവർത്തിക്കുന്നവർക്ക് പേരും പ്രശസ്തിയും ലഭിക്കും. അവരുടെ കൃതികൾ വായനക്കാരുടെ ഇടയിൽ വലിയ സ്വീകാര്യത നേടും. സർക്കാരിൽ നിന്നും ഗുണാനുഭവങ്ങൾ പ്രതീക്ഷിക്കാം. പദ്ധതികൾക്ക് അംഗീകാരം ലഭിക്കുകയും സർക്കാർ ആനുകൂല്യങ്ങൾ ലഭ്യമാകുകയും ചെയ്യും.
തൊഴിൽ അന്വേഷിക്കുന്നവർക്ക് പട്ടാളം, പോലീസ്, കായികം തുടങ്ങിയ മേഖലകളിൽ അവസരങ്ങൾ ലഭിക്കും. ഭൂമി വാങ്ങാനുള്ള അവസരം, കൃഷിയിലെ ലാഭം, നിയമപരമായ തർക്കങ്ങളിലെ വിജയം എന്നിവയും പ്രതീക്ഷിക്കാം.
പല പ്രശസ്ത വ്യക്തികളുമായി പരിചയപ്പെടാനും അവരുടെ പിന്തുണ നേടാനുമുള്ള അവസരം ലഭിക്കും. വാഹനം വാങ്ങുന്നതിനും അത് മൂലം ഗുണാനുഭവങ്ങൾ ഉണ്ടാകുന്നതിനും സാധ്യതയുണ്ട്. പുണ്യതീർത്ഥ സ്ഥലങ്ങൾ സന്ദർശിക്കാനുള്ള യോഗവും കാണുന്നു. ഗുരുക്കന്മാരുടെയും മുതിർന്നവരുടെയും പ്രീതിയും അനുഗ്രഹവും ലഭിക്കും.
രാഷ്‌ട്രീയ രംഗത്ത് പ്രവർത്തിക്കുന്നവർക്ക് ജനങ്ങൾക്ക് ഉപകാരപ്രദമായ കാര്യങ്ങൾ ചെയ്യാനും അതുവഴി കീർത്തി വർദ്ധിപ്പിക്കാനും സാധിക്കും. എന്നാൽ, ജാതകത്തിൽ എട്ടിൽ നിൽക്കുന്ന ശുക്രൻ ചിലർക്ക് ദോഷഫലങ്ങൾ നൽകിയേക്കാം. അന്യസ്ത്രീ ബന്ധം, ധനനഷ്ടം, കടബാധ്യത, ജപ്തി തുടങ്ങിയ പ്രശ്നങ്ങൾ ഉണ്ടാകാൻ സാധ്യതയുണ്ട്. ചിലരുടെ ദാമ്പത്യജീവിതത്തിൽ പ്രശ്നങ്ങൾ ഉടലെടുക്കാനും വേർപിരിയൽ വരെ സംഭവിക്കാനും സാധ്യതയുണ്ട്.
മിഥുന മാസത്തിൽ വിശാഖം നക്ഷത്രക്കാരുടെ നാൾ വരുന്ന ജൂൺ 19 (ബുധനാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 6 (ശനിയാഴ്ച), ജൂൺ 28 (വെള്ളിയാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ അനിഴം നക്ഷത്രക്കാരുടെ നാൾ വരുന്ന ജൂൺ 20 (വ്യാഴാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 7 (ഞായറാഴ്ച), ജൂൺ 29 (ശനിയാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
മിഥുന മാസത്തിൽ തൃക്കേട്ട നക്ഷത്രക്കാരുടെ നാൾ വരുന്ന ജൂൺ 21 (വെള്ളിയാഴ്ച) ദിനത്തിലും, അനുജന്മ നക്ഷത്രങ്ങൾ വരുന്ന ജൂലായ് 9 (ചൊവ്വാഴ്ച), ജൂൺ 30 (ഞായറാഴ്ച) ദിനങ്ങളിലും ആചാരാനുഷ്ഠാനപ്രകാരം വ്രതം അനുഷ്ഠിച്ച് ക്ഷേത്രസന്ദർശനം നടത്തി കഴിയും വിധം വഴിപാടുകൾ നടത്തിയാൽ ഉചിതമായിരിക്കും.
ജയറാണി ഈ വി .
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
Monthly Prediction by Jayarani E.V
