തൃശൂർ: തൃശൂരിൽ ബി ജെ പി സ്ഥാനാർത്ഥി സുരേഷ് ഗോപി വിജയിക്കുമെന്ന് പ്രശസ്ത കബാല ന്യൂമറോളജിസ്റ്റ് വട്ടൂരപറമ്പിൽ ബാലകൃഷ്ണൻ്റെ പ്രവചനം ഫലിച്ചിരിക്കുന്നു. പ്രവചന വാർത്ത GOLNEWS ആണ് ആദ്യമായി ലോകത്തിൽ എത്തിച്ചിരുന്നത്.
2024 ലെ ലോക് സഭ തിരഞ്ഞെടുപ്പിൽ തൃശൂരിലെ ബി ജെ പി സ്ഥാനാർത്ഥിയും സിനിമ താരവുമായ സുരേഷ് ഗോപി വിജയിക്കുമെന്ന് 2024 ഏപ്രിൽ 15ന് കബാല സംഖ്യാ ശാസ്ത്രത്തിലൂടെയുള്ള വട്ടൂരപറമ്പിൽ ബാലകൃഷ്ണൻ്റെ പ്രവചനമാണ് ഇന്ന് യാഥാർഥ്യമായത്, പ്രവചനത്തിൽ അദ്ദേഹത്തിനുള്ള ഒരു പൊൻതൂവലായിരിക്കും ഇന്നത്തെ തിരഞ്ഞെടുപ്പുഫലം.
ഈ ലോക് സഭ തിരഞ്ഞെടുപ്പിൽ തൃശൂരിലെ സ്ഥാനാർത്ഥിത്വം ഏറെ ചർച്ചാ വിഷയമായിരുന്നു. രാജ്യം ഉറ്റു നോക്കിയ മണ്ഡലങ്ങളില്ലൊന്നാണ് തൃശൂർ. ബീ ജെ പി അക്കൗണ്ട് തുറക്കാനുള്ള മണ്ഡലങ്ങളിലൊന്നാണ് തൃശൂർ മൂന്ന് ശക്തരായ സ്ഥാനാർത്ഥികളാണ് തൃശൂരിൽ മത്സരിച്ചത്. കോൺഗ്രസ്സിൻ്റെ കെ മുരളീധരനും ഇടതുപക്ഷത്തിൻ്റെ വി എസ് സുനിൽ കുമാറും, ബീ ജെ പി ക്കു വേണ്ടി സുരേഷ് ഗോപിയുമാണ് ജനവിധി തേടിയത്. ശക്തമായ മത്സരമാണ് തൃശൂരിൽ നടന്നത്.
ആരാണ് ജയിക്കുന്നതെന്ന് ഏവരും ഉറ്റു നോക്കിയ സാഹചര്യത്തിലാണ് പ്രവചനം നടന്നത്. അവിടെ മത്സരിക്കുന്ന മൂന്ന് സ്ഥാനാർഥികളും തൃശൂരിലെ ജനങ്ങൾക്ക് ഏറെ ജന സമ്മിതിയുള്ളവരാണ്. എന്നിരുന്നാലും സുരേഷ് ഗോപിക്കാണ് അന്തിമ വിജയമെന്നായിരുന്നു കബാല സംഖ്യാശാസ്ത്രത്തിലൂടെയുള്ള വട്ടൂരപറമ്പിൽ ബാലകൃഷ്ണൻ്റെ പ്രവചനം. തൃശൂരിൽ 2024 ലെ ലോക്സഭ തിരഞ്ഞെടുപ്പിൽ ബി ജെ പി എൻ ഡി എ സ്ഥാനാർത്ഥിയും നടനുമായ സുരേഷ് ഗോപിക്ക് വൻ ഭൂരിപക്ഷത്തോടെയുള്ള ചരിത്ര വിജയമാണ് സംഭിവച്ചിരിക്കുന്നത്. ചരിത്രത്തിൽ ആദ്യമായി ബി ജെ പി അക്കൗണ്ട് തുറക്കുന്ന വിജയമാണിത്.
മലപ്പുരം വേങ്ങര സ്വദേശിയായ വട്ടൂരപറമ്പിൽ ബാലകൃഷ്ണൻ സംഖ്യാശ്രാസ്ത്രപരമായി പല പ്രവചനങ്ങളും നടത്തിയിട്ടുണ്ട്. 1992 മുതൽ കബാല ന്യൂമെറോളജി consultation ന് പുറമെ പഠന ഗവേഷണങ്ങളും നടത്തി വരുന്നു. കബാല സംഖ്യാശാസ്ത്രത്തെ സംബന്ധിച്ച് പല ജ്യോതിഷ ആനുകാലിക പ്രസിദ്ധീകരണങ്ങളിലും അനേകം ലേഖനങ്ങൾ ഇതിനകം എഴുതിയിട്ടുണ്ട്. കബാല ന്യൂമെറോളജി ഇതര ശാസ്ത്രങ്ങളിൽ നിന്ന് വേറിട്ടു നിൽക്കുന്ന ഒന്നാണ്.
ഇന്ന് മിക്ക പ്രവചന രീതികളും ഗ്രഹങ്ങളെയും നക്ഷത്രങ്ങളെയും അടിസ്ഥാനമാക്കിയാണ്. ന്യൂമെറോളജിയും 1 മുതൽ 9 വരെയുള്ള അടിസ്ഥാന സംഖ്യകളെ നവ ഗ്രഹങ്ങളുമായി താരതമ്യം ചെയ്താണ് ഫലങ്ങൾ പറയുന്നത്. എന്നാൽ കബാല ന്യൂമെറോളജി പേരിലെയും ജനന തീയതിയിലെയും വൈബ്രേറ്റ് ചെയ്യപ്പെടുന്ന അക്കങ്ങളിലെ ആർക്കിടൈപ്പൽ ചിഹ്നങ്ങൾ വിശകലനം ചെയ്താണ് പ്രവചനങ്ങൾ പറയുന്നത്. അക്കങ്ങളുടെ സ്വത്വം വെളിപ്പെടുത്തുന്ന ഒരു അപൂർവ ശാസ്ത്രമാണിത്. ഓംകാര സ്വരൂപങ്ങളായ ദിവ്യമായ അക്കങ്ങൾക്ക് മനുഷ്യജീവിത്തിന് വെളിച്ചം പകരാനും വഴി കാട്ടിയാകാനും സാധിക്കുന്നതാണ്. അതുകൊണ്ടു തന്നെ മനുഷ്യ രാശിക്ക് ഇന്നത്തെ കാലഘട്ടത്തിൽ ഏറെ പ്രയോജനവും, സൗകര്യപ്രദവുമാണെന്ന് അദ്ദേഹം അഭിപ്രായപ്പെട്ടു.
