ഗുരുവായൂര്: മാതൃഭൂമി ഗുരുവായൂര് ലേഖകനായിരുന്ന ജനു ഗുരുവായൂരിന്റെ സ്മരണക്കായി ഗുരുവായൂര് പ്രസ്ക്ലബ്ബ് ഏര്പ്പെടുത്തിയ പ്രഥമ പുരസ്കാരത്തിന് മാതൃഭൂമി റിട്ട.സ്പെഷ്യല് കറസ്പോണ്ടന്റ് ഇ.സലാഹുദ്ദീനെ തിരഞ്ഞെടുത്തു. 10,001 രൂപയും എളവള്ളി നന്ദന് രൂപകല്പന ചെയ്ത ശില്പവുമടങ്ങിയതാണ് പുരസ്കാരം.
- Advertisement -
രാധാകൃഷ്ണന് കാക്കശ്ശേരി, പി ഐ സൈമണ്, ആർ ജയകുമാര് എന്നിവരുള്പ്പെട്ട ജഡ്ജിങ് കമ്മറ്റിയാണ് പുരസ്കാര ജേതാവിനെ നിശ്ചയിച്ചത്. ജനു ഗുരുവായൂരിന്റെ രണ്ടാം ചരമ വാര്ഷിക ദിനമായ ഏപ്രില് നാലിന് ഗുരുവായൂരില് നടക്കുന്ന അനുസ്മരണ ചടങ്ങില് പുരസ്കാരം സമ്മാനിക്കും.
