ഗുരുവായൂർ ക്ഷേത്രത്തിലെ ഈ വർഷത്തെ ഉത്സവത്തിന്റെ മുന്നൊരുക്കങ്ങൾ വിലയിരുത്തുന്നതിനായി നാട്ടുകാരുടെ പൊതുയോഗം ജനുവരി 21 ബുധനാഴ്ച ഉച്ചതിരിഞ്ഞ് 2 മണിക്ക് ദേവസ്വം ഓഫിസിലെ കുറൂരമ്മ ഹാളിൽ ചേരുമെന്ന് ദേവസ്വം അധികൃതർ അറിയിച്ചു.
ദേവസ്വം ചെയർമാൻ ഡോ. വി. കെ. വിജയന്റെ സാന്നിധ്യത്തിൽ നടക്കുന്ന യോഗത്തിൽ ഉത്സവത്തിന്റെ നടത്തിപ്പ്, സുരക്ഷാ ക്രമീകരണങ്ങൾ, ശുചിത്വ പ്രവർത്തനങ്ങൾ, ഗതാഗത നിയന്ത്രണം, ഭക്തജനങ്ങൾക്ക് ഒരുക്കേണ്ട അടിസ്ഥാന സൗകര്യങ്ങൾ, സ്വമേധാ സേവന പ്രവർത്തനങ്ങൾ എന്നിവ വിശദമായി ചർച്ച ചെയ്യും.
ഉത്സവാഘോഷങ്ങൾ ഭക്തിസാന്ദ്രവും ക്രമബദ്ധവുമായ രീതിയിൽ സംഘടിപ്പിക്കുന്നതിനായി നാട്ടുകാരുടെ സഹകരണം അനിവാര്യമാണെന്ന് ദേവസ്വം അധികൃതർ അറിയിച്ചു. ഉത്സവവുമായി ബന്ധപ്പെട്ട നിർദേശങ്ങളും അഭിപ്രായങ്ങളും യോഗത്തിൽ അവതരിപ്പിക്കാൻ ഭക്തജനങ്ങൾക്ക് അവസരം ഉണ്ടായിരിക്കുമെന്നും ദേവസ്വം വ്യക്തമാക്കി.
എല്ലാ നാട്ടുകാരും ഭക്തജനങ്ങളും കൃത്യസമയത്ത് യോഗത്തിൽ പങ്കെടുത്ത് ഉത്സവത്തിന്റെ വിജയത്തിനായി സഹകരിക്കണമെന്ന് ദേവസ്വം അഡ്മിനിസ്ട്രേറ്റർ അഭ്യർത്ഥിച്ചു.
