ഗുരുവായൂർ: ഭഗവദ്ഗീത സാധാരണ ജനങ്ങൾക്കും സ്വായത്തമാക്കി, ജീവിതവിജയം നേടുവാൻ അവസരമൊരുക്കുന്നതിന്റെ ഭാഗമായി ഭഗവദ്ഗീതാ ടീച്ചറമ്മ സേതുലക്ഷ്മി കൃഷ്ണ നയിക്കുന്ന ഗീതാപഥ് സത്സംഗ സമിതി ഗുരുവായൂർ ടൌൺ ഹാളിൽ ഗുരുവായൂരപ്പന്റെ പ്രിയ ചിത്രകാരൻ ആർട്ടിസ്റ്റ് നന്ദൻ പിള്ള ഉദ്ഘാടനം ചെയ്തു.
ഗീതാപഥ് ട്രസ്റ്റി സേതുലക്ഷ്മി കൃഷ്ണ ചടങ്ങിൽ അദ്ധ്യക്ഷത വഹിച്ചു. ആദ്ധ്യാത്മിക ആചാര്യൻ ഗുരു ശ്രേഷ്ഠ എ കെ ബി നായർ, കാലടി ശ്രീരാമകൃഷ്ണാശ്രമത്തിലെ ബ്രഹ്മപരാനന്ദജി മഹരാജ്, ചാക്യാർ കൂത്തിലെ കർണ്ണൻ ഡോ എടനാട് രാജൻ നമ്പ്യാർ തുടങ്ങിയവർ അനുഗ്രഹ പ്രഭാഷണം നടത്തി. പദ്ധതി അവതരണം ലീഗൽ സർവീസ് അതോറിറ്റി സീനിയർ പാനൽ അഭിഭാഷക രമാദേവിയും സ്വാഗതം അഞ്ജന ശിവനും , നന്ദി ഗീതാപഥ് ഉപദേശക സമിതി അംഗം അരുൺകുമാർ അജയും നടത്തി. ഉച്ചതിരിഞ്ഞ് സംഘടിപ്പിച്ച സമ്പൂർണ ഗീതാ പാരായണത്തിലും, ഗീതാ സമർപ്പണത്തിലും ധാരാളം പേർ പങ്കെടുത്തു.
