ആവേശജാഥയും ഗാന്ധി മണ്ഡപത്തിൽ പുഷ്പാർച്ചനയ്ക്കും ശേഷം മഹാശോഭയോടെ യൂ.ഡി.എഫ് ഗുരുവായൂർ മണ്ഡലത്തിൽ പത്രിക സമർപ്പണം പൂർത്തിയാക്കി.
ഗുരുവായൂർ: ഗാന്ധി പ്രതിമയിൽ പുഷ്പാർച്ചന നടത്തിയുകൊണ്ട് ഗുരുവായൂർ മണ്ഡലം യൂ.ഡി.എഫ് സ്ഥാനാർത്ഥികൾ ഇന്ന് നാമനിർദേശ പത്രിക സമർപ്പിച്ചു. മലേഷ്യൻ ടവർ പരിസരത്ത് നിന്ന് ആരംഭിച്ച ആവേശജാഥ കിഴക്കെനടയിലെ ഗാന്ധി മണ്ഡപത്തിൽ എത്തി പുഷ്പാർച്ചന അർപ്പിച്ച് സ്നേഹവന്ദനം നിർവഹിച്ച ശേഷം നഗരസഭ ഓഫീസിലേക്കാണ് സ്ഥാനാർത്ഥികൾ നീങ്ങിയത്.
റിട്ടേണിംഗ് ഓഫീസർ മുമ്പാകെ ഔപചാരികമായി പത്രിക സമർപ്പിച്ചതോടെ മണ്ഡലത്തിൽ യൂ.ഡി.എഫ് തിരഞ്ഞെടുപ്പ് പ്രചാരണത്തിന് ഔദ്യോഗിക തുടക്കമായി.കോൺഗ്രസ്സിന്റെ മണ്ഡലം പ്രസിഡണ്ട് ഒ.കെ.ആർ മണികണ്ഠൻ ഉൾപ്പെടെയുള്ള സ്ഥാനാർത്ഥികളാണ് നാമനിർദേശ സമർപ്പണം പൂർത്തിയാക്കിയത്.
യൂ.ഡി.എഫ് നേതാക്കളായ ആർ. രവികുമാർ, അരവിന്ദൻ പല്ലത്ത്, കെ.പി. ഉദയൻ, കെ.പി.എ. റഷീദ്, സി.എസ്. സൂരജ്, ബാലൻ വാറണാട്ട്., പ്രതീഷ് ഓടാട്ട് പി.ഐ. ലാസർ. ശശി വാറണാട്ട് ടി. .കെ. ഗോപാലകൃഷ്ണൻ.എന്നിവർ സന്നിഹിതമായി നേതൃത്വം നൽകി.
വ്യത്യസ്ത ദിവസങ്ങളിലായി പൂക്കോട്, തൈക്കാട് മണ്ഡലങ്ങളിലെ യൂ.ഡി.എഫ് സ്ഥാനാർത്ഥികളും ലീഗ് സ്ഥാനാർത്ഥികളും നേരത്തെ തന്നെ നാമനിർദേശ പത്രികകൾ സമർപ്പിച്ചിരുന്നു.
ഈവർഷം ഗുരുവായൂർ നഗരസഭയിൽ ആഭ്യന്തര പ്രതിസന്ധികൾ നേരിട്ട എതിർ മുന്നണികൾക്ക് വെല്ലുവിളികൾ വലുതാണ്. യൂ.ഡി.എഫ് ആകെയുള്ള ഏകോപനം പ്രചാരണത്തിന് ഗുണം ചെയ്യും എന്നാണ് വിലയിരുത്തൽ. പുഷ്പാർച്ചനയോടുള്ള തുടക്കം, വലിയ കൂട്ടായ്മ, പ്രവർത്തകരുടെ തിരക്ക്, എല്ലാം യൂ.ഡി.എഫ് തങ്ങളുടെ “മുന്നേറ്റഭാവം” പ്രകടിപ്പിക്കാൻ ഉപയോഗിക്കുന്നു.
തിരഞ്ഞെടുപ്പ് പ്രഖ്യാപനത്തിന് ശേഷമുള്ള നഗരത്തിലെ ഏറ്റവും വലിയ രാഷ്ട്രീയ സമ്മേളനങ്ങളിലൊന്നായിരുന്നതായി നിരീക്ഷകർ അഭിപ്രായപ്പെട്ടു.
