ദക്ഷിണേന്ത്യൻ കുംഭപാരമ്പര്യത്തിന് പുതുവെളിച്ചം; ജുന അഖാര മേൽനോട്ടത്തിൽ 18 ജനുവരി–3 ഫെബ്രുവരി വരെ മഹാധിവിരുന്ന്.. ഭാരതപ്പുഴ തീരം വീണ്ടും ചരിത്രം വിളിച്ചോതി—തിരുന്നാവായയിൽ മഹാ മഖം–കുംഭമേള
തിരൂർ : പൗരാണിക പാരമ്പര്യവും ആത്മീയ പൈതൃകവും ഒരുമിക്കുന്ന മഹാവേദിയായി തിരുന്നാവായ 2026-ലെ മഹാ തീതിരുന്നാവായർത്ഥസംഗമത്തിന് ഒരുങ്ങുന്നു. പന്ത്രണ്ട് വർഷത്തിലൊരിക്കൽ മാത്രം അരങ്ങേറുന്ന മഹാ മഖം–കുംഭമേളയുടെ ജ്വലിക്കുന്ന പാരമ്പര്യത്തെ കേരളത്തിൽ പുനരുജ്ജീവിപ്പിക്കുന്ന ചരിത്രനിമിഷത്തിനാണ് ഭാരതപ്പുഴ തീരം സാക്ഷിയാകുന്നത്. തിരുനാവായ നാവ മുകുന്ദ ക്ഷേത്രത്തിന് മുന്നിലുള്ള വിശുദ്ധനദീതടത്ത് 2026 ജനുവരി 18 മുതൽ ഫെബ്രുവരി 3 വരെ മഹാസംഗമം അരങ്ങേറും.
ദേശീയ കുംഭമേളകളായ ഹരിദ്വാർ, പ്രയാഗ്രാജ്, ഉജ്ജയിൻ, നാസിക് എന്നിവയുടെ പാരമ്പര്യവഴിയിലൂടെ, ദക്ഷിണേന്ത്യയിലെ അപൂർവ്വമായ തീർത്ഥസംയാഗനാടായ തിരുന്നാവായ വീണ്ടും കേന്ദ്രമാവുകയാണ്. നവംബർ 23-നുള്ള പ്രധാനയോഗത്തിലാണ് ചടങ്ങുകളുടെ സംയോജിത നടത്തിപ്പിനായി സ്വീകരണസമിതിക്ക് ഔദ്യോഗിക രൂപം ലഭിക്കുക.
രാജ്യത്തെ ഏറ്റവും പ്രാചീനവും വിശാലവുമായ സന്യാസസമൂഹമായ ജുന അഖാരയാണ് കേരള കുംഭമേളക്കും ആചാരപരമായ മേൽനോട്ടം വഹിക്കുന്നത്. ജുന അഖാരയുടെ മഹാമണ്ഡലേശ്വർ സ്വാമി ആനന്ദവനം ഭാരതി തിരുനാവായയിൽ എത്തി സാഹചര്യങ്ങൾ വിലയിരുത്തുകയും ഭക്തജനങ്ങൾക്കിടയിൽ ആത്മീയോന്മേഷം പകരുകയും ചെയ്തു.
മഹാമണ്ഡലേശ്വർ പദവി അലങ്കരിക്കുന്ന മൂന്നാമത്തെ മലയാളിയെന്ന നിലയിൽ സ്വാമി ആനന്ദവനം ഭാരതി തിരുന്നാവായയുടെ പാരമ്പര്യഗൗരവത്തെ പുതുവെളിച്ചത്തിലാക്കുന്നുവെന്നതും ശ്രദ്ധേയമാണ്.
“ഉത്തരേന്ത്യൻ കുംഭമേളയെപ്പോലെ തന്നെ മഹത്തായ തീർത്ഥസംയോഗത്തിന്റെ പാരമ്പര്യമുള്ള നാടാണ് തിരുന്നാവായ,”
— സ്വാമി ആനന്ദവനം ഭാരതി.
ചേരമാൻ പെരുമാളിന്റെ കാലഘട്ടത്തിലേക്ക് തന്നെ തിരിച്ചുപോകുന്ന ഗംഭീരമായ ഒരു പാരമ്പര്യമാണ് മഹാ മഖം. മലയാളമാസത്തിലെ മകം നക്ഷത്രത്തിൽ ആചാരങ്ങലോടുകൂടി ആരംഭിച്ചിരുന്ന ഈ ഉത്സവം, പന്ത്രണ്ട് വർഷത്തിലൊരിക്കൽ നടന്നിരുന്ന മഹായജ്ഞ–മഹായാഗ ശൃംഖലയാൽ പ്രശസ്തമായിരുന്നു. പുതിയ രാജാവിനെ തെരഞ്ഞെടുക്കുന്ന പ്രധാനചടങ്ങുകളും അതിനോടൊപ്പമുണ്ടായിരുന്നു.
സുന്ദരമൂർത്തി പെരുമാളിന്റെ മന്ത്രാലയാനന്തര കാലഘട്ടത്തിൽ ഈ ഉത്സവത്തിന്റെ മേൽനോട്ടം പെരുമ്പടപ്പ് സ്വരൂപത്തിലേക്കും പിന്നീടു വള്ളുവ കോൺതിരിയിലേക്കും മാറി. പിന്നീട് ചടങ്ങ് ആയോധനവേഷഭൂഷണം നേടി മാമാങ്കം എന്ന മഹത്തായ ചരിത്ര ഉത്സവമായി മാറി — ദക്ഷിണേന്ത്യൻ സംസ്കാരത്തിന്റെ അക്ഷയചിഹ്നമായി.
നൂറ്റാണ്ടുകളുടെ പാരമ്പര്യത്തെ പുനർസ്ഥാപിക്കാൻ 2016-ലാണ് തിരുനാവായയിൽ മഹാ മഖം വീണ്ടും ആരംഭിക്കാൻ ശ്രമങ്ങൾ ശക്തമായത്. തിരുനാവായ ക്ഷേത്രത്തിലെ പ്രധാനപുരോഹിതർ ഭാരതപ്പുഴ തീരത്ത് നദീപൂജയോടെ ആചാരങ്ങളുടെ പുനരാരംഭം നടത്തി. കോവിഡ് കാലത്തെ ഇടവേള ഒഴികെ, ചടങ്ങുകൾ തുടർച്ചയായി നടന്നു.
2016–2028 ചക്രത്തെ അടിസ്ഥാനമാക്കി 2028-ലാണ് വിപുലമായ മഹാ മഖം (കുംഭമേള) ആഘോഷിക്കാൻ തീരുമാനം. 2026-ലെ മഹാസംഗമം അതിന്റെ മഹോത്സവ മുന്നോടിയാണ്.
അടുത്ത വർഷത്തെ കുംഭമേളയുടെ സംയോജിതനടത്തിപ്പിനായി മലബാർ–തിരുവിതാംകൂർ ദേവസ്വം ബോർഡുകളുടെ സഹകരണം തേടുമെന്ന് ജുന അഖാര അറിയിച്ചു. രാജ്യത്തെ വിവിധ അഖാരകളിൽ നിന്നുള്ള സന്യാസിമാരുടെയും ഭക്തജനങ്ങളുടെയും പങ്കാളിത്തം ഉറപ്പാക്കാനും മുന്നൊരുക്കങ്ങൾ പുരോഗമിക്കുന്നു. കേരളത്തിലെ ആശ്രമങ്ങളും മഹാസന്യാസികളും ചടങ്ങിൽ സജീവമായി പങ്കാളികളാകും.
