ഗുരുവായൂർ: ഗുരുവായുരപ്പൻ്റെ ഭക്തിഗാന വീഡിയോ ആൽബമായ “കണ്ണാ നിൻ തിരുമുന്നിൽ” വ്യാഴാഴ്ച വിജയദശമി ദിനത്തിൽ കണ്ണന് സമർപ്പിച്ചു. രാവിലെ നടന്ന ചടങ്ങിൽ ഗുരുവായൂർ ദേവസ്വം ഭരണ സമിതി ചെയർമാൻ ഡോ വി കെ വിജയന്, ശ്രീഗുരുവായുരപ്പ ഭക്തനായ സി മോഹൻദാസ് നൽകി ഭഗവാന് സമർപ്പിച്ചു.
ഗുരുവായൂർ ദേവസ്വം ഭരണസമിതി അംഗം മനോജ് ബി നായർ, ഗുരുവായൂർ എ സി പി പ്രേമാനന്ദകൃഷ്ണൻ, ശ്രീകുമാർ ആമ്പല്ലൂർ, അഖില ഭാരത നാരായണീയ ദേശീയ സമിതി ഭാരവാഹികളായ ഹരി മേനോൻ, ഷാജി കെ നായർ, സുമേഷ് ഗുരുവായൂർ, സുനിൽ ഗോഷ് അയ്യന്തോൾ, സുമേഷ് നിവേദ്യം തുടങ്ങി കലാ സാമൂഹിക സാംസ്കാരിക മേഖലകളിലെ നിരവധി പ്രമുഖ വ്യക്തിത്വങ്ങൾ ചടങ്ങിൽ പങ്കെടുത്തു.
പ്രശസ്ത സംഗീതഞ്ജൻ വിദ്യാദരൻ മാസ്റ്റർ സംഗീത സംവിധാനം നിർവ്വഹിച്ച ആൽബത്തിൽ ആലപിച്ചിരിക്കുന്നത് മധു ബാലകൃഷ്ണനാണ്. രചന ശ്രീകുമാർ ആമ്പല്ലൂർ. കാമറ സുധീപ് ഇ എസ് നിർമ്മാണം സി മോഹൻദാസ്.
