ഗുരുവായൂർ: ഗുരുവായൂർ ദേവസ്വം ചെമ്പൈ സംഗീതോത്സവത്തിന്റെ സുവർണ്ണ ജൂബിലി ആഘോഷങ്ങളുടെ ഭാഗമായി, അഗസ്റ്റ് 19-ന് പാലക്കാട് ചെമ്പൈ സ്മാരക ഗവ. സംഗീത കോളേജിൽ സെമിനാർ സംഘടിപ്പിക്കും. രാവിലെ പതിനു മണിക്ക് ആരംഭിക്കുന്ന സെമിനാർ, ഗുരുവായൂർ ദേവസ്വം ബോർഡ് ചെയർമാൻ ഡോ. വി. കെ. വിജയന്റെയും ഗുരുവായൂർ നഗരസഭ ചെയർമാൻ എം. കൃഷ്ണദാസിന്റെയും പ്രമുഖ സാന്നിധ്യത്തോടെ നടക്കും.
ചെമ്പൈ സ്മാരക ഗവ. സംഗീത കോളേജ് പ്രിൻസിപ്പാൾ പ്രൊഫ. തൊടുപുഴ മനോജ് കുമാർ സെമിനാറിന് ഉദ്ഘാടനം നിർവഹിക്കും. ദേവസ്വം ഭരണസമിതി അംഗം സി. മനോജ് സെമിനാറിന് അധ്യക്ഷത വഹിക്കും. പ്രബന്ധാവതരണം ഡോ. ജോർജ്ജ് എസ്. പോൾ നിർവഹിക്കും. ഡോ. പ്രശാന്ത് കൃഷ്ണ സെമിനാറിന്റെ മോഡറേറ്റർ ആകും. സെമിനാർ ആരംഭത്തിൽ ആനയടി പ്രസാദ് സ്വാഗതപ്രസംഗം നടത്തും. ഗുരുവായൂർ ദേവസ്വം സുവർണ്ണ ജൂബിലി ചെമ്പൈ സംഗീതോത്സവത്തിന്റെ ഭാഗമായി, സംഗീതോത്സവത്തിന്റെ ചരിത്രവും, സംഗീതരംഗത്തെ സുപ്രധാന സംഭവങ്ങളും സെമിനാർ ഉദ്ഘാടനത്തിൽ ചർച്ച ചെയ്യപ്പെടും.
